Almaty qalasynyń ákímí Darhan Satybaldy jūmys sapary ayasynda Jetísu audanyndaǵy bírqatar nysandy aralap, qoǵamdyq keńístíkterdíń jaı-kúıíne jáne aumaqtyń óndírístík áleuetíníń damuyna nazar audardy.
Jūmys sapary barysynda Almaty ákímí Jangeldın atyndaǵy skverge baryp, aǵymdaǵy jóndeu men kóríktendíru josparymen tanysty. Joba ayasynda aumaqty kógaldandyru, gúlzarlar men shaǵyn sáulettík nysandar ornatu, avtomatty suaru júıesí men syrtqy jaryqtandyrudy íske qosu, sondaı-aq júrgínshíler joldary men demalys aımaqtaryn ūıymdastyru kózdelgen. Skverdíń jalpy aumaǵy – 3,6 gektar. Jobany íske asyru 2026 jylǵa josparlanǵan.
Skver aumaǵynda belsendí jáne otbasylyq demalys úshín ekí balalar oıyn alańy, vorkout alańy, futbol jáne basketbol alańdary, úsh shahmat ústelí men úsh ústel tennısí ústelín ornatu josparlanǵan. Sonymen qatar, jobaǵa sáıkes 95 oryndyq pen 95 qoqys jáshígí qoıylyp, avtotūraq aımaǵy ūıymdastyrylady.
Sondaı-aq, qala ákímí 2005 jyldan berí jūmys ístep kele jatqan «Kamerton» JShS-ne bardy. Kásíporyn shıkízatty óńdeuden bastap daıyn ónímdí qaptauǵa deıíngí tolyq óndírístík jūmys tártíbín júzege asyrady. Óndírístík quattylyǵy aıyna 4 230 tonnaǵa deıín óním shyǵaruǵa múmkíndík beredí. Būl óńdeu ónerkásíbín damytuǵa jáne naryqty sapaly sút ónímderímen qamtamasyz etuge eleulí úles qosady. Kásíporynda 300-den astam adam eńbek etedí.
Sonymen qatar, Darhan Satybaldy STYNERGY kásípornyna baryp, óndírís quatymen, óním assortımentímen jáne eksporttyq áleuetímen tanysty. Kompanıya qūrylys jáne metall qūrylymdary materıaldaryn óndíruge mamandanǵan. Ónímderín Tájíkstan men Qyrǵyz Respublıkasyn qosa alǵanda, TMD elderíne eksporttaıdy. Sondaı-aq, Qazaqstannyń bírqatar qalasynda fılıaldary bar, būl kásíporynnyń keń geografıyalyq qamtyluyn qamtamasyz etedí.
Kásíporyn ónímderíníń assortımentíne metall shatyr men shatyrdyń qosalqy elementterí, túrlí úlgídegí profnastıl, sendvıch-panelder, qasbettík júıeler, su aǵyzu jáne jeldetu júıelerí, gıpsokarton montajyna arnalǵan armaturalyq profılder, lınearly panelder, sondaı-aq metall jıhazdar kíredí. Óndíríste shamamen 250 qyzmetker jūmys ísteıdí.
Kásíporyndardy aralau barysynda audannyń ónerkásíptík áleuetín damytu, jańa jūmys oryndaryn qūru, óndírístí keńeıtuge jaǵdaı jasau jáne bıznestíń qalalyq qūrylymdarmen ózara ís-qımyly máselelerí talqylandy.
Jūmys saparynyń qorytyndysy boıynsha Darhan Satybaldy qalanyń audandaryn keshendí damytu, yaǵnı qoǵamdyq keńístíkterdí kóríktendírudí ekonomıkanyń naqty sektoryn qoldaumen ūshtastyrudyń mańyzyn atap óttí. Sondaı-aq, salalyq basqarmalar men audan ákímdígíne jobalardy jan-jaqty qoldaudy jáne qoıylǵan míndetterdíń oryndaluyn baqylaudy tapsyrdy.