Almaty ákímí Darhan Satybaldy jūmys sapary barysynda Medeu audanyndaǵy Sūlucaı shaǵynaudanynyń damuyn, ınjenerlík jelílerdíń qūrylysyn, sondaı-aq №197 negízgí orta mekteptegí oqu jaǵdaıyn tekserdí.
Ákím Sūlusaı shaǵynaudanynda su ūńǵymalaryn būrǵylau arqyly júrgízílíp jatqan su qūbyry men káríz júıesíníń taratu jelíleríníń qūrylysynyń barysyn tekserdí. Atalǵan aumaq 2014 jyly Almaty qalasynyń qūramyna qosylǵanymen, osy uaqytqa deıín ortalyqtandyrylǵan ınjenerlík jelílermen tolyq qamtamasyz etílmegen. Jobany íske asyru tūrǵyndardy tūraqty sumen jabdyqtau jáne su būru júıesíne kezeń-kezeńímen qosuǵa múmkíndík beredí.
Tekseru barysynda ákímge jūmystardyń ayaqtalu satysynda ekení bayandaldy. Qazírgí uaqytta íske qosu-retteu ís-sharalary júrgízílíp, nysandy paıdalanuǵa beru jūmystary atqaryluda. Darhan Satybaldy sapany qatań baqylau qajet ekenín atap ótíp, shaǵynaudannyń odan árí damuyn eskere otyryp, jobany belgílengen merzímde ayaqtaudy tapsyrdy.
Jūmys sapary ayasynda Sūlucaı shaǵynaudanynyń áleumettík ınfraqūrylymyna qatysty máseleler de qaraldy. Darhan Satybaldy «№197 negízgí orta mektep» KMM-níń qazírgí jaǵdaıymen tanysty. Jobalyq quaty 60 orynǵa eseptelgen mektepte oqushylar sany odan joǵary, sabaq qazaq jáne orys tílderínde ekí auysymda ūıymdastyrylǵan. Bílím beru ūıymynyń qajettí jabdyqtarmen qamtylǵany, sondaı-aq qozǵalysy shekteulí balalar úshín qauípsízdík pen qoljetímdílík jaǵdaılarynyń jasalǵany atap ótíldí.
Sonymen qatar, Sūlucaı shaǵynaudanynda áleumettík nysandardy ornalastyru úshín satyp alynǵan ákímshílík ǵımaratqa erekshe nazar audaryldy. Aldaǵy uaqytta mūnda mektep oqushylaryna arnalǵan sport jáne májílís zaldaryn, sondaı-aq feldsherlík-ambulatorıyalyq punkt ūıymdastyru josparlanyp otyr. Alaıda ǵımarattyń qūrylymdyq elementterí men ınjenerlík jelíleríníń tozu deńgeıí joǵary ekení anyqtaldy. Osyǵan baılanysty tıístí basqarmalarǵa qarjylandyru máselesín pysyqtap, jóndeu jūmystaryn kezeń-kezeńímen júrgízu tapsyryldy.
Jūmys saparynyń qorytyndysy boıynsha qala ákímí aumaqtardy damytu keshendí túrde, yaǵnı ınjenerlík jáne áleumettík ınfraqūrylym máselelerín aldyn ala sheshu arqyly júrgízíluge tıís ekenín atap óttí. Berílgen tapsyrmalardyń oryndaluyn baqylau jáne tūrǵyndarmen kerí baılanys audan ákímdígí men tıístí basqarmalar arqyly qamtamasyz etíledí.