Almaty ákímí Darhan Satybaldynyń azamattardy jeke máselesí boıynsha qabyldauy barysynda qala tūrǵyndary tūrǵyn úımen qamtamasyz etu, kóríktendíru, ınfraqūrylymdy damytu jáne kóppáterlí tūrǵyn úılerdí basqaru máselesín kóterdí, – dep habarlaıdy aqshamnews.kz tílshísí.
Ásírese, halyqtyń áleumettík osal toptaryn baspanamen qamtamasyz etu, jer telímderín rásímdeu, joldar men ınjenerlík jelílerdíń jaı-kúıí, sondaı-aq nysandar qūrylysy kezínde belgílengen talaptardyń saqtaluy máseleleríne nazar audaryldy.
Qala tūrǵyndary kóppáterlí tūrǵyn úılerdíń ortaq múlkín kútíp-ūstau, kondomınıum nysandaryn basqaru organdarynyń qyzmetí, aulalardy kóríktendíru jáne jasyl jelektí saqtau boıynsha da júgíndí. Sonymen qatar elektrmen jabdyqtau jáne áleumettík kómek kórsetu jaıy nazardan tys qalmady.
Qabyldau barysynda jauapty basqarmalar men audan ákímdíkteríníń ókílderí kóterílgen saualdar boıynsha túsíníkteme berdí. Qosymsha zerdeleudí qajet etetín ótíníshterdí ákímníń tapsyrmasyna sáıkes qoldanystaǵy zańnama ayasynda tıístí qyzmetter qarastyrady.