Almaly audanynda qala tūrǵyndary úshín jaıly demalys aımaǵyn abattandyru jūmystary bastaldy. Jóndeu jūmystary Rozybakıev kóshesíníń boıynda, Rozybakıev pen Tóle bı kósheleríníń qıylysynda júrgízílíp jatyr, -dep habarlaıdy Aqshamnews.kz tílshísí.
Osy aptada audan ákímí tūrǵyndarmen kezdesíp, aldaǵy abattandyru jūmystarynyń barysyn talqylady. Esteríńízge sala keteıík, byltyr «Halyq qatysatyn byudjet» jobasy ayasynda tūrǵyndarmen bírlesíp, būrynǵy beıbereket sauda ornynyń ornynda jańa sayabaq salynǵan bolatyn. Ol Rozybakıev kóshesíníń boıynda (Rozybakıev pen Dúısenov kósheleríníń qıylysynda) ornalasqan jáne ashylǵan sátten bastap-aq audan tūrǵyndarynyń súıíktí demalys ornyna aınaldy.
Al dál osy sayabaqtan sál joǵaryraq, Tóle bı kóshesíne jaqyn jerde taǵy bír skver bar, ol 2016 jyldan berí, yaǵnı on jylǵa juyq uaqyttan berí jańartylmaǵan. Tūrǵyndardyń kóptegen ótíníshímen bıyl būl aumaqty jańartu jūmystary aǵymdaǵy jóndeu ayasynda qolǵa alyndy.
Josparlanǵan jūmystar:
– kórshí skvermen bíryńǵaı stılde zamanauı jaryqtandyru ornatu (kabelderdí auystyru, jańa tírekter qoyu);
– jasyl jelektí kóbeıtu: kógal tóseu, būtalar men írí aǵashtar otyrǵyzu, avtomatty suaru jáne tamshylatyp suaru júıesín ornatu;
– demalys jáne sport aımaǵyn abattandyru: jattyǵu qūrylǵylary, átkenshekter, pergola, oryndyqtar men qoqys jáshíkterín ornatu.
Jańartu nátıjesínde ekí kórshíles aumaq — ótken jyly salynǵan skver men bıyl abattandyrylyp jatqan aımaq bírtūtas jasyl demalys keńístígín qalyptastyrady. Qarasha aıynyń sońyna deıín jaqyn mańdaǵy tūrǵyndar Rozybakıev kóshesíníń batys jaǵynda, Tóle bı kóshesínen Dúısenov kóshesíne deıíngí keń, kóríktí jasyl aımaqta seruendep, sportpen shūǵyldanyp, demala alady.
Almaly audanynyń ákímdígí qalalyq ortany júıelí túrde jańartyp, audannyń ekologıyalyq kelbetín jaqsartyp, ony tūrǵyndar úshín barynsha jaıly árí qolaıly etu baǵytynda jūmystardy jalǵastyryp jatyr.