Almaty qalasynda qala ákímíníń orynbasary Nūrlan Abdrahımníń, Qoǵamdyq densaulyq saqtau basqarmasynyń basshysy Marat Pashımovtyń jáne medıtsınalyq ūıymdar ókílderíníń qatysuymen densaulyq saqtau júıesíníń alqa otyrysy óttí, – dep habarlaıdy aqshamnews.kz tílshísí.
Otyrys barysynda 2026 jyldyń I toqsanynyń qorytyndylary shyǵarylyp, salany odan árí damytudyń basym baǵyttary aıqyndaldy.
Almaty qalasynyń densaulyq saqtau júıesí negízgí kórsetkíshter boıynsha tūraqty oń dınamıka kórsetíp otyr. 2026 jyldyń I toqsanynyń qorytyndysy boıynsha jalpy ólím-jítím 17,2%-ǵa tómendedí. Qan aınalymy júıesí aurularynan bolatyn ólím-jítím 40,8%-ǵa, onkologıyalyq aurulardan — 19%-ǵa, tuberkulezden — 30,8%-ǵa aıtarlyqtaı azaıdy.
Halyq densaulyǵy kórsetkíshteríníń jaqsaruy jáne medıtsınalyq kómektíń tıímdílígíníń artuy baıqalady.
Qalada densaulyq saqtau júıesín jańǵyrtu jūmystary belsendí túrde jalǵasuda. Alǵashqy medıtsınalyq-sanıtarıyalyq kómek kezeń-kezeńímen nyǵaıtylyp, joǵary tehnologıyalyq medıtsınalyq kómektíń túrlerí damytyluda, tsıfrlyq sheshímder men zamanauı servıster engízílude, jastar densaulyq ortalyqtarynyń jelísí keńeıtílude. Kadr sayasatyna erekshe kóńíl bólínude: mamandar dayarlau júrgízílíp, medıtsına qyzmetkerleríníń bílíktílígí arttyryluda jáne kadr tapshylyǵyn azaıtuǵa baǵyttalǵan júıelí sharalar íske asyryluda.
Dárí-dármekpen qamtamasyz etu keńeıtílíp, medıtsınalyq jabdyqtardy jańartu jalǵasuda. Qalada jańa medıtsınalyq nysandar paıdalanuǵa berílíp, jūmys ístep tūrǵan ūıymdar jańǵyrtyluda, būl medıtsınalyq kómektíń qoljetímdílígí men sapasyn arttyruǵa múmkíndík beredí.
Tsıfrlandyru belsendí túrde damuda: retseptterdíń 92%-y elektrondyq formatta rásímdelude, telemedıtsına men bíryńǵaı call-ortalyqtyń múmkíndíkterí keńeıtílíp, júıeníń ashyqtyǵy men basqaryluy artuda.
Alqa qorytyndysy boıynsha Almaty qalasynyń densaulyq saqtau júıesí tūraqty damu men negízgí kórsetkíshter boıynsha oń dınamıkany kórsetíp otyrǵany atap ótíldí. Medıtsınalyq kómektíń sapasy men qoljetímdílígín odan árí arttyru jūmystary qala ákímdígíníń tūraqty baqylauynda jalǵasatyn bolady.