Reıd barysynda polıtseıler qoǵamdyq oryndarda alkogol íshu, spırttík íshímdíkterdí zańsyz satu jáne tártíp būzu derekterí boıynsha ondaǵan qūqyq būzushylyqty áshkereledí, – dep habarlaıdy aqshamnews.kz tílshísí.
Almaty qalasynda mas kúıínde jasalatyn qūqyq būzushylyqtar men qylmystardyń aldyn aluǵa baǵyttalǵan «Alko-stop» jedel-profılaktıkalyq ís-sharasy qarqyndy júrgízílude.
Ís-sharanyń negízgí basymdyǵy – kámeletke tolmaǵandar arasyndaǵy profılaktıkalyq jūmystardy kúsheıtu, esepte tūrǵan tūlǵalardyń tártíbín qadaǵalau jáne alkogol ónímderíníń zańsyz aınalymyna tosqauyl qoyu. Bír kúnníń ózínde qalanyń túrlí audandarynda júrgízílgen tekserís kezínde jalpy kólemí 840 lıtrden asatyn írí alkogol partıyasy tárkílendí.
Almaty qalasy PD Qoǵamdyq qauípsízdík basqarmasynyń bastyǵy Tımur Noǵaıbaevtyń aıtuynsha, baqylau sharalary satu protsesíne de, azamattardyń qoǵamdyq oryndardaǵy mínez-qūlqyna da qatysty qatańdatylǵan. Tártíp saqshylary jastardy qūqyqqa qarsy áreketterden qorǵau úshín profılaktıkalyq jūmystardy júıelí túrde jalǵastyra beretínín málímdep, azamattardy zań talaptaryn saqtauǵa shaqyrady.