Qaraǵandynyń 22 jastaǵy tūrǵyny Threads áleumettík jelísíndegí ūltaralyq arazdyqty qozdyruǵa qatysty ís boıynsha qamauǵa alyndy. Būl turaly Qaraǵandy oblystyq polıtsıya departamentí málím ettí, - dep habarlaıdy Aqshamnews.kz.
Vedomstvonyń málímetínshe, áleumettík jelílerdí monıtorıngteu barysynda polıtsıya qyzmetkerlerí Threads jelísínde Qaraǵandy tūrǵynynyń jarıyalaǵan jazbasyn anyqtaǵan. Tekseru nátıjesínde būl derek boıynsha QR Qylmystyq kodeksíníń 174-baby 1-bólígí (arazdyqty qozdyru) boıynsha qylmystyq ís qozǵaldy.
Polıtsıya departamentí málímetínshe, sotaldy tergeu barysynda kúdíktíníń elden ketuge nıettí ekení turaly aqparat alynǵan.
"Kúdíktí uaqytsha ūstau ızolyatoryna qamaldy. Tergeu barysynda 22 jastaǵy qaraǵandylyq boıjetken Threads áleumettík jelísínde ūltaralyq arazdyq belgílerí bar jazba jarıyalaǵany anyqtaldy. Tergeu organdaryna onyń elden shyǵuǵa daıyndalyp jatqany turaly málímet jetkennen keıín, ony qamauǵa alu turaly ótínísh túsírílgen", – dep habarlady vedomstvodan.
Qylmystyq kodekstíń 174-babyna sáıkes, 2 000-nan 7 000 AEK-ke deıín (7 863 000 – 27 524 000 teńge) aıyppūl salu, ne bostandyǵyn shekteu, ne ekí jyldan jetí jylǵa deıín bas bostandyǵynan aıyru jazasy qarastyrylǵan.
22 shíldede Qaraǵandy qalasynyń tergeu soty tergeu organynyń ótíníshín qanaǵattandyrdy. Tergeu ayaqtalǵanǵa deıín kúdíktí ekí aı merzímge qamauǵa alyndy. Qazír sotaldy tergeu jalǵasyp jatyr, qajettí saraptamalar taǵaıyndaldy. Tergeu qorytyndysy boıynsha protsessualdyq sheshím qabyldanady.
Būǵan deıín boıjetkenníń jazbalary áleumettík jelíde qyzu talqylanyp, kóptegen qoldanushy olardy qorlaıtyn dep sanaǵan. Keıín synnan keıín boıjetken vıdeo jazyp, jazbalary arqyly renjígenderdíń barlyǵynan keshírím sūrady.