Jýyrda Condé Nast Traveler jýrnaly óziniń bedeldi jyl saıynǵy Readers’ Choice Awards premıasynyń bıylǵy nátıjelerin jarıalady. Onyń nátıjesi boıynsha, alǵash ret Qazaqstan tarıhynda The Ritz-Carlton, Astana álemniń eń úzdik 50 qonaqúıiniń qataryna enip, Soltústik Azıa óńirinde birinshi orynǵa ıe boldy. Aqshamnews.kz tilshisi osyndaı jetistikke jetken qonaqúı ókilderinen pikir alyp, osy nátıjege qatysty oılaryn bildi.
Condé Nast Traveler bıyl oqyrmandarynan 757 000-nan astam daýys jınap, álem saıahatshylarynyń tájirıbesi men áserlerine súıene otyryp, úzdik baǵyttar men qonaqúıler tizimin jasady.
Readers’ Choice Awards - saıahat ındýstrıasyndaǵy eń bedeldi jáne eń uzaq tarıhy bar marapattardyń biri. Jeńimpazdar qonaqúıler, kýrorttar, qalalar, áýe kompanıalar, krýızder, SPA jáne basqa da sanattar boıynsha tańdalady. Álemdik deńgeıdegi úzdik qonaqjaı brendterdiń qatarynan kóriný - The Ritz-Carlton, Astana úshin zor jetistik ári Qazaqstan astanasynyń halyqaralyq týrızm kartasyndaǵy bedelin arttyrǵan mańyzdy oqıǵa.
The Ritz-Carlton, Astana qonaqúıiniń bas dırektory Karım Taıach marapat týraly bylaı dedi:
"Condé Nast Traveler oqyrmandarynyń tańdaýy boıynsha Soltústik Azıadaǵy eń úzdik qonaqúı ataný - bizdiń komandamyzdyń kásibıligi men adaldyǵynyń aıqyn dáleli. Bizdiń mısıamyz - qonaqtarǵa kútkeninen asyp túsetin áserli sátter syılaý. Árbir qyzmetimiz - talǵampazdyq, jaılylyq jáne shynaıy qamqorlyqtyń úılesimi. Bizdiń qonaqtarymyzǵa kórsetken senimi úshin, al komandamyzǵa únemi jańa standart ornatyp júrgeni úshin alǵys bildiremin".
Astananyń júregindegi talǵampazdyqtyń sımvoly
Qazaqstandaǵy alǵashqy The Ritz-Carlton brendi eldegi qonaqjaılyq mádenıetine jańa deńgeı ákeldi.
Qonaqúıdiń 157 sándi nómirleri men lúksteri qalanyń panoramalyq kórinisin ashyp, isker saıahatshylar men týrıser úshin eń tańdaýly orynǵa aınaldy.
Gastronomıalyq tájirıbe
- Mökki meıramhanasy - maýsymdyq mázir, jergilikti dámder jáne álemdik klasıka.
- Ózen Lobby Lounge - talǵampaz atmosfera men tańdaýly sýsyndar.
- Mökki Terrace - ashyq aspan astyndaǵy keshter, tikeleı mýzyka jáne qaladaǵy eń stıldi áleýmettik alańdardyń biri.
Qyzmet kórsetý - joǵary óner
The Ritz-Carlton fılosofıasynyń negizi - ár qonaqty erekshe qarsy alý jáne onyń qajettilikterin aldyn ala seziný. Munda qyzmet etetin árbir jan qonaqtardyń árbir sátin este qalarlyq etýge tyrysady. Árbir qonaqty kirgennen jyly shyraı tanytyp, qarsy alyp, jyly júzben shyǵaryp salady.
Jetistikke jeteleıtin marapat
Condé Nast Traveler 2025 Readers’ Choice Awards nátıjesi boıynsha álemdik úzdikter qatarynan kóriný - The Ritz-Carlton, Astana úshin ǵana emes, búkil Qazaqstan úshin tarıhı oqıǵa.
Bul jeńis qonaqtardyń senimin, qyzmetkerlerdiń adaldyǵyn jáne oteldiń kemeldikke degen umtylysyn bildiredi.
The Ritz-Carlton, Astana qonaqúıiniń mundaı halyqaralyq deńgeıde moıyndalýy - eldegi qonaqjaılyq salasynyń damýy jolyndaǵy jańa kezeń jáne Astananyń álemdik saıahatshylar úshin tartymdy baǵyt ekenin aıqyn kórsetti.
The Ritz-Carlton, Astana - zamanaýı dızaın men ulttyq mura elementterin sheber úılestirgen sándi qonaqúı. Ol 2017 jyldan beri qyzmet etip keledi. Qazir munda 350 qyzmetker onyń bedeli úshin baryn salyp eńbektenip keledi.
Jeke qyzmet kórsetý mádenıeti men ár detalǵa muqıat mán berý qonaqúıdi Qazaqstandaǵy mártebeli ári talǵampaz demalystyń úlgisine aınaldyrdy.