Qazaqstan Boks federatsıyasynyń prezıdentí Keńes Raqyshev óz atynan syıaqy taǵaıyndady
Belgradta ótken XXI álem chempıonatynda jeńíske jetken qazaqstandyq boksshylardyń qansha syıaqy alatyny belgílí boldy. Būl turaly Ortalyq kommunıkatsıyalar qyzmetí dırektorynyń orynbasary Aıdar Mahmetov málímdedí, dep jazdy «Aıqyn» basylymy.
AIBA syıaqysy:
I – $100.000
II- $50.000
III – $25.000
Qazaqstan Boks federatsıyasynyń prezıdentí Keńes Raqyshevtíń óz atynan beretín syıaqysy:
I- $70.000
II – $50.000
III – $30.000
QR Mádenıet jáne sport mınıstrlígí beretín syıaqy:
I- $15.000
II- $7.000
III- $5.000
Nátıjesínde medalıster kelesí somany qolǵa alady:
I- $185.000
II- $107.000
III – $60.000
«Meníńshe, qoldau jaman emes», – dep jazdy Aıdar Mahmetov.
Eske salsaq, Qazaqstan boksshylary Belgradta ótken bokstan 2021 jylǵy álem chempıonatynda bes medal jeńíp aldy. Sonymen, jalpykomandalyq esepte Qazaqstan ekínshí orynǵa ıe boldy.
Temírtas Júsípov (48 kg) jáne Sáken Bıbosynov (51 kg) altyn medal alsa, Mahmūd Sabyrhan (54 kg) men Serík Temírjanov (57 kg) «kúmís» jáne Abylaıhan Júsípov qola medal ıelendí.
Kuba 2021 jylǵy álem chempıonatynda úsh altyn jáne ekí qola medal jeńíp aldy. Qazaqstannan basqa úzdík úshtíkke AQSh qūramasy eníp otyr: ekí «altyn» jáne ekí «kúmís».