Danıar Qyryqbaev áleýmettik bastamalar boıynsha esep berip, halyqqa kórsetip jatqan qoldaý men qoldanystaǵy baǵdarlamalardyń tıimdiligin atap ótti, dep habarlaıdy aqshamnews.kz
Ákimniń aıtýynsha, aýdanda túrli sanattaǵy turǵyndardy qamtıtyn bes áleýmettik joba tabysty jumys istep kele jatyr:
- «Baqytty otbasy» otbasylardy qoldaý ortalyǵy,
- «Belsendi uzaq ómir súrý» belsendi uzaq ómir ortalyǵy,
- «Teń Qoǵam» erekshe qajettiligi bar adamdarǵa arnalǵan ortalyq,
- áleýmettik az qamtylǵan otbasylardy dástúrli qolónerdi damytý arqyly qoldaý jobasy,
- áleýmettik osal otbasylardyń balalaryna arnalǵan «Shyńǵa órleý» bilim berý jobasy.
Jyl basynan beri aýdanda keń aýqymdy áleýmettik qoldaý kórsetildi:
19 myń adam bir rettik áleýmettik kómek aldy,
564 otbasy – ataýly áleýmettik kómekpen qamtyldy,
127 otbasy – turǵyn úı kómegin aldy,
248 zeınetker – sanatorıı-kýrortta emdelýge joldama aldy.
Erekshe sanat – múmkindigi shekteýli jandar. Ákimniń aıtýynsha, múgedektigi bar 8417 azamat áleýmettik qyzmetpen, ońaltý quralymen qamtylǵan.
Budan bólek, aýdan kópbalaly analardy da eskerip jatyr: 246 áıel «Altyn alqa» jáne «Kúmis alqamen» marapattalypty.
Áleýmettik qoldaý aýdannyń damýyndaǵy negizgi basymdyqtyń biri bolyp qala beretinin aıtty Danıar Qyryqbaev. İske asyp jatqan jobalar myńdaǵan turǵyndy qamtyp, olardyń ómirin jaqsartýǵa múmkindik bergen.