Alatau audanyndaǵy Momyshūly kóshesínde 4 500 sharshy metr bolatyn jańa qoǵamdyq keńístíktí abattandyru jūmysy bastaldy. Jobany audan ákímdígí men «DM-STROI» JShS merdíger ūıymy bírlesíp íske asyruǵa kírístí, dep habarlaıdy aqshamnews.kz
Alatau audanynyń ákímí Talǵat Malybaev baspasóz tury barysynda būl jobanyń maqsaty – jaıly árí zamanǵa saı qalalyq orta qūru ekenín aıtty.
«Bíz de Panfılov kóshesí men Tereńqūr sıyaqty jaıly oryndar bolǵanyn qalaımyz. Alatau – shetkí audan emes, sondyqtan mūndaǵy abattandyru jūmysy da Ál-Farabı men Dostyq kóshesínen kem bolmauy kerek», - dedí ol.
Jańa jasyl aımaqta jayau júrgínshí joly, velosıped jolaǵy salynyp, demalys oryndary, art-nysandar ashylyp, qoqys jáshíkterín qoıyp, jaryqtandyrmaq. Joba ayasynda 103 jaryq baǵany ornatylady, 1 028 m² asfalt, 3 077 m² bruschatka jáne 226 m² tartan jabyny tóseledí.
Bıíktígí 26 metr bolatyn tu qoıylatyn jaryq baǵan da qoıylmaq. Tudyń ólshemí – 4×2 metr.
«Būl ımıdjdík oryn bolady. Ūshaqpen qalaǵa jaqyndaǵanda «Alatau» degen belgí bírden kózge túsedí», – dedí audan ákímí.
Talǵat Malybaevtyń aıtuynsha, abattandyru jūmystary bıyl audan boıynsha 2,5 mlrd teńge bólíngen «Halyq qatysatyn byudjet» (HQB) jobasy ayasynda júrgízílíp jatyr.
«Būl jobalardy tūrǵyndar ózderí tańdap, dauys beredí, ıdeya ūsynady. Jeńímpaz anyqtalǵannan keıín bírden íske kírísemíz. Qazír 500-den astam ótínísh kelíp túsíp, 50 joba íríkteldí: onyń 16 –sy balalar jáne sport alańyn jóndeu, 31 – jańa qoǵamdyq keńístík, 3 –uí kóshení jaryqtandyruǵa qatysty jobalar», - dep atap óttí ol.
Alatau audany taǵy bír jańa bastamany - balalar alańyna kúnnen qorǵaıtyn qalqa ornatudy qolǵa alypty.
«Alańnyń negízgí bólígín mausym bastalǵanǵa deıín paıdalanuǵa berdík. Qarasu yqshamaudanynda futbol alańy men kóldí abattandyrudy qamtıtyn úlken jobany ayaqtap jatyrmyz. Mūnyń bárí – ómír súruge qolaıly orta qalyptastyruǵa arnalǵan jūmystyń bír bólígí», – dedí Talǵat Malybaev.
Jobanyń basty maqsatynyń bírí – Momyshūly, Rysqūlov jáne Saıyn kóshesín jalǵaıtyn jayau júrgínshíler promenadyn qūru.
«Bízdíń ıdeya – audan shekarasyn túgel qamtıtyn “jasyl beldeudí” jaryqtandyryp, «Alatau» atauy bar jańa belgí ornatu. Qazír jūmys júríp jatyr, abattandyru shíldeníń 10-na deıín ayaqtalady», – dedí audan ákímí.
Sonymen qatar, audan ákímdígí komandasy nysandardy būzbaı, olardy barynsha saqtauǵa tyrysatynyn aıtty.
«Asfalt pen tas tósenísh jaqsy kúıde bolsa, ony būzbaımyz. Múmkíndígínshe saqtap qalamyz. Tek kúıí ketkenderín ǵana auystyrady. Būl qala ákímíníń tapsyrmasy».
Sóz sońynda ákím bylaı dep tolyqtyrdy: «Būlar jaı ǵana jol emes – būl beınebaqylaumen jabdyqtalǵan, jaryqtandyrylǵan, jasyl, qauípsíz kóshe. Úı-íshíńmen demalsań da bolady!»