13 qarasha kúni shamamen 18:00-de joǵary kerneýli jelilerde bolǵan apat saldarynan birqatar shaǵynaýdan jaryqsyz qaldy.
Apat «MAGNUM E-COMMERCE KAZAKHSTAN» JSHS tapsyrysy boıynsha MP GazEnerdjı JSHS júrgizgen gaz qubyryn kóldeneń baǵytta burǵylaý (GNB) ádisimen tóseý jumystary kezinde bolǵan, - dep habarlaıdy Aqshamnews.kz.
Túni boıy mamandar kúsheıtilgen rejımde jumys istedi.
00:15-te bir jeli tolyq qalpyna keltirilip, birqatar tutynýshyǵa elektr qýaty berildi.
14 qarasha tańerteń jaryq Saıaly, Aqbulaq, Zerdeli shaǵynaýdandaryna, sondaı-aq Sofá, Arena Park turǵyn úı keshenderine jáne ishinara Aqkent pen Daraboz turǵyn úı keshenderine berildi.
Qazirgi tańda jaryqsyz qalyp otyrǵan aýmaqtar: Terekti shaǵynaýdany (5 kóshe), Alǵabas shaǵynaýdany (5 kóshe), Aqkent shaǵynaýdanyndaǵy 10 úı, Nurkent shaǵynaýdanyndaǵy 14 úı.
Qazir zaqymdanǵan aýmaqty qalpyna keltirý maqsatynda qazba jumystary júrgizilip jatyr. Jer qazý jumysy aıaqtalǵannan keıin brıgadalar mýfta ornatyp, jelini tolyq qalpyna keltirýge kirisedi.
Búgin 18:00-ge deıin elektr qýatymen jabdyqtaý tolyq qalpyna keltiriledi.