Almatynyń Alatau audanynda zańsyz dúńgírshekterdí súru jalǵasyp keledí
Almatynyń Alatau audanynda zańsyz ornalastyrylǵan statsıonarlyq emes sauda nysandaryn (SESN) súru jūmystary qarqyn aldy. Óz betínshe ornatylǵan SESN-derdí joyu nauqany Almaty ákímí Erbolat Dosaevtyń tapsyrmasy ayasynda qolǵa alynǵan.
Búgíngí tańda Alatau audanynda 119 zańsyz SESN men 40 kúsh ólsheu qūrylǵysy būzyldy. Atap aıtqanda, sońǵy kúnderí Mádenıet, Sayaly jáne Áıgerím shaǵyn audandarynda zańsyz dúńgírshekter alynyp tastaldy.
Jergílíktí tūrǵyndar būl bastamany qoldaıdy. «Endí aulamyz keńeıíp, taza bolyp qaldy, būryn būl dúńgírshekter retsízdík tudyryp, júríp-tūruǵa kedergí keltíretín», – deıdí Sayaly shaǵyn audanynyń tūrǵyny.
Qalanyń zańsyz nysandardan auqymdy túrde tazartyluy Almatynyń sáulettík kelbetín jaqsartuǵa, tūrǵyndardyń qauípsízdígín qamtamasyz etuge jáne qolaıly qalalyq orta qalyptastyruǵa baǵyttalǵan. Búgínde memlekettík qordyń jerínde ornalasqan 360 SESN men 274 kúsh ólsheuísh alynyp tastaldy
Būzu jūmystary jalǵasuda, al qala ákímdígí kásípkerlerdí sauda nysandaryn ornalastyru kezínde belgílengen normalar men erejelerdí saqtauǵa shaqyrady.