«Alatau Aqparat» medıaholdıngínde zamanauı podkast studıyasynyń ashylu saltanaty óttí. Ís-sharaǵa belgílí medıamenedjerler, telearnalar men BAQ basshylary, blogerler, yutyuberler men kásípkerler, seríktes ūjym ókílderí qatysty.
Jobanyń basty maqsaty – dástúrlí jáne jańa medıany ūshtastyra otyryp, keń audıtorıyaǵa ártúrlí formatta sapaly kontent ūsynyp, otandyq medıa salany damytuǵa úles qosu. Zamanauı tehnıkalarmen jabdyqtalǵan būl alań – shyǵarmashylyq jobalarǵa serpín beríp, jas mamandardy dayarlauǵa, aqparat keńístígínde jańa ıdeyalardy júzege asyruǵa múmkíndík beredí.
Ashylu saltanatynda «Alatau Aqparat» medıaholdıngíníń Bas dırektory Erjan Qalymbaıūly «Studıyany qoǵamdaǵy ózektí máselelerdí talqylaıtyn, saraptamalyq píkírler men eksklyuzıvtí sūhbattar ūsynatyn mazmūndy alańǵa aınaldyrudy maqsat etíp otyrmyz. Podkasttar audıtorıyanyń aqparat tūtynu daǵdysyna saı ázírleníp, ashyq, erkín árí tartymdy formatta ūsynylady. Basty maqsat – aqparatty sapaly, senímdí, naqty árí qyzyqty etu», – dedí.
Onyń sózínshe, atalǵan studıyany «Adyrna» aqparattyq agenttígí bastaǵan bíríneshe seríktestermen bírlese jasaqtaǵan.
Óz kezígínde belgílí medıa-menedjer, Qazaqstannyń eńbek síńírgen qaıratkerí Nūrjan Jalauqyzy eldegí medıaholdıngter arasynda alǵashqylardyń bírí bolyp podkast-studıya ashyp jatqan áríptesteríne sáttílík tíledí.
«Eldí eleń etkízer, kóptíń kóńílínen shyǵatyn, tūshymdy oılar aıtatyn, kórermení kóp, taralymy keń joba bolsyn», – dedí ol.
«Jas Qazaq» gazetíníń Bas redaktory, KTK telearnasy Bas dırektorynyń orynbasary Sraıyl Smaıyl da tūsauy kesílgen studıyanyń áríptesteríníń áleuetín ashyp, medıakeńístíktegí ornyn aıshyqtaı túserí sózsíz degen tílegín jetkízdí.
«Almaty aqshamy» men «Vechernıı Almaty» gazetterí aımaqtyq basylym bolǵanymen, medıadaǵy mártebesí jaǵynan respublıkalyq deńgeıdegí úlken aqparat qūraly ekení dausyz. Írgemízdegí qyrǵyz elíníń memlekettík «Kabar» degen óte úlken agenttígí bar. «Alatau Aqparat» sol írgelí agenttíkpen yntymaqtastyq memorandumyna qol qoıyp, baılanys ornatyp jatyr eken, jaqynda estíp, oqyp, qatty quandym. Demek, medıaholdıngtíń kókjıegí keńeıíp, halyqaralyq deńgeıge shyqty degen sóz būl. Osyndaı áleuetí bar áríptester ashyp otyrǵan búgíngí podkast-studıya da kesek-kesek oılar aıtatyn medıa alańǵa aınalady dep senemín», – dedí ol.
Al «Habar» agenttígí» AQ Almaty fılıalynyń dırektory Serík Ábíkenūly baspasózdíń taǵdyry kúrdelíleu bolyp tūrǵan osynau shaqta podkast-studıya ashu – óte qoldaıtyn dúnıe ekendígín tílge tıek ettí.
«Būqaralyq aqparat qūraly zamannyń úrdísínen qalmauy kerek. Sol zamanmen bírge qatar qadam basamyz dep táuekel etíp bír ís bastaǵan ekensízder, sáttílík tíleımíz. Osy shaǵyn studıyada ūlttyń sózín aıtatyn, memlekettíń joǵyn joqtaıtyn úlken oılar aıtylsyn», – dedí.
Tanymal jurnalıst-pedagog, ál-Farabı atyndaǵy Qazaq Ūlttyq unıversıtetí jurnalıstıka fakultetíníń dekany Qanat Áuesbaı: «Qazír elímízde osy medıaholdıngter ınstıtuty qarqyndy damyp keledí. Sol kóshtíń aldyńǵy qatarynda júrgen «Alatau Aqparat»-ty keıíngí bír-ekí jyldyń kólemínde jaqsy jaǵynan estíp, kóríp júrmíz. Gazet endí tek oqytyp qana qoımaı, osy podkast-studıya arqyly kórsetedí, árí tyńdatady. Yaǵnı búgínde kóp aıtylyp júrgen kross-medıaǵa «Alatau Aqparat» ta ílestí. Demek, tyńdaı almaıtyndar oqıdy, oqı almaıtyndar kóredí. Ozyq ta zamanauı trendterdíń bárín osy medıa-studıyadan kóreıík!», – dedí.
Sonymen qatar, Arman Áubákír, Aıdos Jūqanūly, Bauyrjan Kárípov, Erbol Azanbek, Erbol Seıílhan, Meıírjan Áuelhanūly, Aıbar Oljaev pen Nūrlan Jūmahan syndy BAQ salasynyń maıtalmandary óz oılaryn ortaǵa saldy.
Studıyanyń ashylu rásímínen keıín qonaqtar medıaholdıng muzeıín aralap, Qazaqstan jurnalıstıkasy tarıhynan syr shertetín jádígerlermen tanysty.
Podkast studıyada túsíríletín saraptamalyq píkírler men eksklyuzıvtí sūhbattar medıaholdıng qūramyna kíretín aqshamnews.kz, vecher.kz jáne alnews.kz aqparatyq resurstarynda, sonymen qatar, áleumettík jelílerínde de jarıyalanyp otyrady.
Studıyanyń ashylu rásímínen keıín qonaqtar medıaholdıng muzeıín aralap, Qazaqstan jurnalıstıkasy tarıhynan syr shertetín jádígerlermen tanysty.
Podkast – studıyada túsíríletín saraptamalyq píkírler men eksklyuzıvtí sūhbattar medıaholdıng qūramyna kíretín aqshamnews.kz, vecher.kz jáne alnews.kz aqparatyq resurstarynda, sonymen qatar, áleumettík jelílerínde de jarıyalanyp otyrady.
ÁRÍPTESTER LEBÍZÍ
Sraıyl SMAIYL, «Jas Qazaq» gazetíníń Bas redaktory:
MEDIADAǴY ORNY AIShYQTALA TÚSTÍ
«Almaty aqshamy» men «Vechernıı Almaty» gazetterí aımaqtyq basylym bolǵanymen, medıadaǵy mártebesí jaǵynan respublıkalyq deńgeıdegí úlken aqparat qūraly ekení dausyz. Mynau írgemízdegí qyrǵyz elíníń memlekettík «Kabar» degen óte úlken agenttígí bar. «Alatau Aqparat» sol írgelí agenttíkpen yntymaqtastyq memorandumyna qol qoıyp, baılanys ornatyp jatyr eken, jaqynda estíp, oqyp, qatty quandym. Demek, medıaholdıngtíń kókjıegí keńeıíp, halyqaralyq deńgeıge shyqty degen sóz būl. Búgín tūsauy kesílíp jatqan studıya da áríptesterímízdíń áleuetín ashyp, medıakeńístíktegí ornyn aıshyqtaı túserí anyq.
Serík ÁBÍKENŪLY,
«Habar» agenttígí» AQ Almaty fılıalynyń dırektory:
ShAǴYN STUDIYaDA ÚLKEN OILAR AITYLSYN
Qazírgí kezeńde ūlttyq būqaralyq aqparat qūraldarynyń baǵy alaı-būlaı bolyp tūrǵan kezeń ǵoı. Sondyqtan da, ásírese, baspasózdíń taǵdyry qıyn bolyp tūrǵan osyndaı shaqta podkast-studıya ashu – óte qoldaıtyn dúnıe. Óıtkení, būqaralyq aqparat qūraly zamannyń úrdísínen qalmauy kerek. Sol zamanmen bírge qatar qadam basamyz dep táuekel etíp bír ís bastaǵan ekensízder, sáttílík tíleımíz. Osy shaǵyn ǵana studıyada ūlttyń sózín aıtatyn, memlekettíń joǵyn joqtaıtyn úlken oılar aıtylsyn. Qazaq qoǵamyna, memleketke qyzmet etetín, bízdíń bolmysymyzǵa saı dúnıelerdí shyǵaryp, eldíń yqylasyna bólene beríńízder.
Bauyrjan KÁRÍPOV, ınternet-jobalar jetekshísí:
JAŃAShYLDYQTYŃ JARShYSY
Sheteldík tájírıbení, jańashyldyqqa qūmar sergek kózqarasty aımaqtyq gazetke paıdalanu óte qūptarlyq qadam. Mysaly, Túrkıyada sayası-saraptamalyq baǵdarlamalardy gazette jarıyalanǵan maqalalar boıynsha jasaıdy. Ókíníshke oraı, bízdíń elde, medıada áleumettík jelíní, ásírese, feısbuktí bírínshí orynǵa qoıyp tastadyq. Mysaly, kez kelgen dau-damaı tudyrǵan nemese áldebír mańyzdy oqıǵa ertesíne egjeı-tegjeılí taldanyp, zerdeleníp, gazette jarıyalanuy kerek. Núktesín de sol maqala qoyuy qajet. Míne, merzímdí basylymnyń kóterer júgí osyndaı bolǵany abzal. Sízder de osyndaı bıíkke shyǵyńyzdar, «Almaty aqshamy» gazetínde endí qandaı podkast shyǵady eken dep kútíp júretín bolaıyq.
