«Qazgıdromet» RMK aldaǵy demalys kúnderíne arnalǵan aua raıy boljamyn ūsyndy, dep habarlaıdy Aqshamnews.kz tílshísí.
Sınoptıkterdíń aıtuynsha, Qazaqstannyń basym bólígínde aldaǵy kúnderí aua raıy qūbylmaly bolady. Atmosferalyq fronttardyń ótuíne baılanysty jańbyr men qar túrínde jauyn-shashyn kútíledí.
Eldíń soltústík, shyǵys jáne ortalyq óńírlerínde būrqasyn soǵyp, respublıka aumaǵynda tūman túsíp, kóktaıǵaq boluy múmkín.
Mamandardyń boljamynsha, mausym sońyna qaraı Jańa Jer araldary audanynan arktıkalyq antıtsıklon elímízdíń batysyna jyljyp keledí. Keıín ol respublıka arqyly ótíp, aua temperaturasynyń aıtarlyqtaı tómendeuíne áser etedí.
8 jeltoqsanda soltústík-batysta 5–13 gradus, soltústíkte 10–15 gradus ayaz kútíledí. Aldaǵy kúnderí suyqtyń odan árí kúsheyuí boljanyp otyr, delíngen sınoptıkter habarlamasynda.
