Reseılik «Rosatom» kompanıasy eldegi alǵashqy atom elektr stansıasyn salý jobasy boıynsha halyqaralyq konsorsıýmnyń kóshbasshysy atandy.
Ekinshi orynǵa qytaılyq «China National Nuclear Corporation» jaıǵassa, fransýzdyq «Électricité de France» pen koreıalyq «Korea Hydro & Nuclear Power» usynystary úshinshi oryndy ıelendi, dep habarlaıdy aqshamnews.kz 24.kz-ke silteme jasap.
Qazir eksporttyq qarjy tartý máselesi pysyqtalýda. Ashyq jáne básekege qabiletti dıalog aıasynda reaktorlyq tehnologıalardyń jetekshi álemdik óndirýshilerimen kelissózder júrgizildi. Atalǵan kompanıalar elde AES salý boıynsha tehnıkalyq jáne komersıalyq usynystardan turatyn materıaldardyń keshendi paketin usyndy. Munda qurylystyń boljamdy quny, jobany iske asyrý merzimi, jumsalatyn qarjy málimmetteri qamtyldy.
Eldiń Atom energıasy agenttigi halyqaralyq sarapshylardyń qatysýymen barlyq usynystarǵa keshendi baǵalaý júrgizdi. Ol AES qaýipsizdigi, tehnologıalyq jáne qarjylyq aspektiler, halyqaralyq tájirıbe, kadrlar daıarlyǵy, jergiliktendirý deńgeıi jáne ózge de kórsetkishter boıynsha júzege asyryldy.