Búgín elordada elímízdíń jetekshí qoǵamdyq-sayası kúshterí «Ádílettí jáne Progressıvtí Qazaqstannyń Halyqtyq Konstıtutsıyasy úshín!» atty Jalpyūlttyq koalıtsıyaǵa bíríktí. Onyń qūramyna bes jetekshí sayası partıyanyń ókílderí men mıllıondaǵan azamattyń múddesín bíldíretín 300-den astam qoǵamdyq ūıym endí.
Otyrysqa qatysushylar Jańa Konstıtutsıya jobasy sayası júıe arhıtekturasyn qoǵamnyń jańa sūranysyna saı túbegeılí qaıta jańǵyrtatynyn atap óttí. Būl bılíktíń barlyq tarmaǵynyń tūraqty jūmysyn qamtamasyz etedí.
Májílís Spıkerí, Jalpyūlttyq Koalıtsıya Jetekshísí Erlan Qoshanov atap ótkendeı, Jańa Konstıtutsıya – shyn mánínde tarıhı qūjat. Onda eń aldymen adamǵa basymdyq berílíp, memlekettíń basty baılyǵy jer qoınauyndaǵy resurstar emes, bílímdí jas ūrpaq ekení aıqyndaldy. Būl – Prezıdent qolǵa alǵan auqymdy ózgerísterdíń altyn arqauy. Endí ol eń joǵary konstıtutsıyalyq deńgeıde bekítílude.
«Qazaqstannyń jańa Konstıtutsıyasy – osy írgelí reformalardyń shyrqau shyńy. Būl – Prezıdentímízdíń jyldar boıǵy oı-tolǵamdarynyń jemísí. Halyqtyń mūń-mūqtajy, talap-tílegí men úmít-senímí ūshtasqan tarıhı qūjat. Sondyqtan Jańa Konstıtutsıya halyqpen bírge jazylǵan – naǵyz Halyqtyq Konstıtutsıya deuge tolyq negíz bar.Bíz keler ūrpaqqa ár azamat maqtan tūtatyn, Órkendegen, Ádílettí Qazaqstandy qaldyruymyz kerek. Bárímízdí bíríktíretín osy asqaq arman. Sol armanǵa – Ádílettí árí Progressıvtí Qazaqstanǵa Prezıdentímízben bírge jeteıík», – dedí ol.
Óz sózínde Memlekettík keńesshí Erlan QarınJańa Konstıtutsıyanyń mańyzyna toqtaldy: «Qazaqstan bolashaqta azamattary bílímdí, ǵylymdy meńgergen, ınnovatsıyaǵa arqa súıegen, tehnologıyasy damyǵan elderdíń qatarynda boluǵa ūmtylatynyn baıqatty. Sondyqtan, būl eldíń órkendeuíne jańa serpín beretín Konstıtutsıya», – dedí ol.
Sondaı-aq otyrys barysynda «Auyl» partıyasynyń Tóraǵasy Serík Egízbaev, «Aq jol» Qazaqstan Demokratıyalyq partıyasynyń TóraǵasyAzat Peruashev, «Respublica» partıyasynyń Tóraǵasy Aıdarbek Qojanazarov, Májílístegí Qazaqstan Halyq partıyasy fraktsıyasynyń jetekshísí Magerram Magerramov, Májílís deputattary, «AMANAT» partıyasy fraktsıyasynyń múshelerí Erlan Saırov, Únzıla Shapaq jáne Sergeı Ponomarev sóz sóıledí.
Sonymen qatar «AgromashHoldıngKZ» AQ Prezıdentí Dınara Shúkíjanova, Respublıkalyq advokattar alqasynyń Tóraǵasy Mádı Myrzaǵaraev, sayasattanushy Marat Shıbūtov, «Qazaq tílí» halyqaralyq qoǵamynyń Prezıdentí Rauan Kenjehanūly óz ūstanymdarymen bólístí.
Kezdesuge qatysushylar Jańa Konstıtutsıya jobasy memlekettíń sayası júıesín odan árí jańǵyrtuǵa, áleumettík kepíldíkterdí nyǵaıtuǵa, kásípkerlíktí qoldauǵa, ǵylymdy, mádenıettí jáne ūlttyq qūndylyqtardy damytuǵa baǵyttalǵan strategıyalyq baǵdarǵa tolyq sáıkes keletínín atap óttí.
Sonymen qatar memleket ınstıtutsıonaldyq ózgeríster jolynda mańyzdy kezeńnen ótkení atap ótíldí: «Kúshtí Prezıdent – yqpaldy Parlament – esep beretín Úkímet» formulasy nyǵayuda, Konstıtutsıyalyq Sot jūmys ísteude, zańsyz shyǵarylǵan aktıvter memleketke qaıtaryluda, ūlttyq resurstardy ádíl bólu qaǵıdaty kúsheıtílude. Būl barlyq sheshím ádíldík, teńdík jáne bolashaq ūrpaq aldyndaǵy jauapkershílík qūndylyqtaryna negízdeldí.
Jańa Negízgí zań qoǵamdaǵy tereń ózgeríster men dúnıetanymy jańarǵan, memleketke joǵary talap qoyatyn jańa buynnyń qalyptasuyna jauap retínde qabyldanǵany atap ótíldí. Osy úmítterdíń ózegínde adaldyqqa, zań ústemdígíne, adamnyńqadír-qasıetíne degen qūrmetke jáne adam qūqyǵyna kepíldík beruge degen sūranys jatyr. Jańa Konstıtutsıya osy qoǵamdyq talaptarǵa aıqyn árí naqty jauap beredí.
Sondaı-aq Negízgí zań jobasy qoǵammen ashyq árí auqymdy dıalog ayasynda ázírlengení aıtyldy. Konstıtutsıyalyq komıssıya jūmysy jarıya túrde, tíkeleı efırde jáne tūraqty kerí baılanys ornata otyryp júrgízíldí. Osy uaqyt aralyǵynda azamattardan, sarapshylardan, kásíbı qauymdastyqtardan jáne túrlí sala ókílderínen 10 myń ūsynys pen ótínísh kelíp tústí.Olardyń árqaısysy qūjatty ázírleu barysynda qaralyp, eskerílíp otyrdy.
Sóz sóılegen barsha azamat osy sheshushíkezeńde Jańa Konstıtutsıyany qabyldaudyń tarıhı mańyzyn qalyń jūrtshylyq arasynda ílgeríletu úshín qoǵamdaǵy jetekshí kúshterdí bíríktírudíń mańyzyn atap óttí.
Koalıtsıya qūramyna sayası partıyalardyń ortalyq jáne óńírlík qūrylymdary, respublıkalyq qoǵamdyq bírlestíkter, Parlament jáne máslıhat deputattary, ǵylymı jáne sarapshylyq qauymdastyq ókílderí, mádenıet jáne sport qaıratkerlerí, kásípodaq ūıymdary, salalyq qauymdastyqtar men jastar bírlestíkterí kírdí.
Juyrda Koalıtsıya múshelerí óńírlerde túsíndíru jūmysyn bastaıdy. Aldaǵy referendum qarsańynda ashyq dıalog pen azamattardyń sanaly túrde qatysuyn qamtamasyz etu maqsatynda eńbek ūjymdarymen, sarapshylar qauymymen jáne tūrǵyndarmenkezdesu ótkízu josparlanyp otyr. Sonyń íshínde shalǵaı eldí mekender de nazardan tys qalmaıdy. Sebebí árbír qazaqstandyq azamattyń dauysy asamańyzdy.
