Qazaqstannyń elektrondyq úkímetíníń baspasóz qyzmetí onlaın túrde memlekettík nómír satyp alu kezínde "qatyp qalǵan" ótínímder máselesín qalaı sheshuge bolatynyn túsíndírdí, dep habarlaıdy, Aqshamnews.kz tílshísí.
eGov qosymshasynda memlekettík nómírdí onlaın alu qyzmetí íske qosylǵan bolatyn, alaıda paıdalanushylar bírqatar qıyndyqtarǵa tap boldy. Qosymshada qyzmet aqysyn tólegennen keıín nómír ıesíne bekítílmeı, álí de qoljetímdí bolyp qala bergen.
Būl máselení sheshu úshín ótínímdí qaıta beru qajet. Úshínshí kezeńde "Būryn tólengen" tarmaǵyn tańdap, tólem jasalǵan bank pen tólem kúnín kórsetu kerek. Protsestí ayaqtaǵannan keıín nómír paıdalanushyǵa bekítílíp, basqa ótínísh berushíler úshín qoljetímsíz bolady.
Aıta keteıík, memlekettík nómírdí onlaın alu qyzmetí eGov qosymshasynda jáne elektrondyq úkímet saıtynda arnaıy HQKO-larda qyzu sūranys pen tírí kezekterdí boldyrmau maqsatynda engízíldí. Mysaly, 5 qańtarda Qazaqstannyń arnaıy HQKO-larynda avtokólíktíń memlekettík tírkeu nómírín tańdau boıynsha jańa qyzmettíń engízíluíne baılanysty sūranys kúrt artty.
Būǵan deıín Ákímshílík polıtsıya komıtetínde 2026 jylǵy 1 qańtardan bastap kez kelgen tsıfrlar men árípterdíń kombınatsıyasyn tańdauǵa múmkíndík beríletínín habarlaǵan bolatyn. Mysaly: 123AZA01, 321ERA02, 069ARA03 jáne taǵy basqa. Būl qyzmettíń qūny 10 AEK bolady, yaǵnı 43 250 teńge.