Búgín Almatyda 16–18 qyrkúıek aralyǵynda Qytaıdyń Shanhaı pedagogıkalyq unıversıtetímen (SHNU) bírlesken Halyqaralyq studenttík forum Abaı unıversıtetínde saltanatty túrde ashyldy, – dep habarlaıdy aqshamnews.kz tílshísí.
«Tūraqty bolashaqty qamtamasyz etudegí bílím berudíń qūndylyǵy» taqyrybyndaǵy halyqaralyq forumdy Abaı unıversıtetí, Qytaıdyń Shanhaı pedagogıkalyq unıversıtetí jáne UNESCO Teacher Education Centre (TEC) ūıymdastyryp otyr.
Halyqaralyq forumnyń negízgí maqsaty – Ortalyq Azıya elderíníń seríktes ūıymdary arasyndaǵy ǵylymı-bílím beru yntymaqtastyǵyn damytu, studentterdíń bílím beru júıeleríníń qūndylyqtary turaly túsínígín keńeıtu jáne tūraqty bílím berudí qamtamasyz etu úshín bolashaq mūǵalímderdí dayarlau sapasyn arttyru. Forum Ortalyq Azıya elderí men Qytaıdyń bolashaq pedagogtaryn bíríktíríp, bílím berudíń tūraqty bolashaqty qalyptastyrudaǵy rólín talqylauǵa, tájírıbe almasuǵa jáne halyqaralyq studenttík yntymaqtastyqty damytuǵa múmkíndík beredí. Forumdy unıversıtettíń Strategıyalyq damu jáne ınternatsıonaldandyru jóníndegí prorektory Aıgúl Isqaqova ashyp, UNESCO Teacher Education Centre (TEC) Ortalyq Azıya boıynsha baılanys jóníndegí ókílí Lı Juımyao qatysushylarǵa ízgí tílegín bíldírdí.
Forum baǵdarlamasy bílím berudegí ınnovatsıyalar men mádenıetaralyq dıalog, joǵary oqu orny teorıyasy men mektep tájírıbesín ūshtastyrudy qamtyp otyr. Sondaı-aq, pedagog kadrlardy dayarlaudyń jańa tásílderí, jasandy ıntellekt pen tsıfrlyq tehnologıyalardy bílím berudí transformatsıyalau qūraly retínde paıdalanu, ınklyuzıvtí bílím beru máselelerín jan-jaqty sóz ettí.
Qatysushylar bílím berudíń jahandyq syn-qaterlerín talqylap, tūraqty bolashaqqa baǵyttalǵan jańa bílím beru arhıtekturasyn qalyptastyrudyń ınnovatsıyalyq joldaryn ūsyndy. Ekspress-bayandamalar tyńdalyp, Ortalyq Azıya men Qytaıdaǵy pedagogıkalyq bílím beru júıesíníń sapasy men tūraqtylyǵyn arttyruǵa baǵyttalǵan praktıkalyq ūsynymdar ázírlendí.
Forum ayasynda YuNESKO, Shanhaı pedagogıkalyq unıversıtetí men Teacher Education Centre (TEC) ókílderí bayandama jasady. Jas zertteushíler ózderíníń ǵylymı ízdenísterín tanystyryp, bílím berudíń zamanauı baǵyttary boıynsha píkír almasty.
Baǵdarlamada «Tūraqty damu maqsattary: jastardyń bolashaq turaly dıalogy» zıyatkerlík oıyny, Global Open Talk formatynda «Ártúrlí elderdegí studenttík ómír» taqyrybynda talqylau ótíp, ár elden kelgen jastar ózderíníń oqu, qoǵamdyq jáne mádenı tájírıbelerímen ortaǵa saldy. Sonymen qatar, ís-shara ayasynda Abaı unıversıtetí men Shanhaı pedagogıkalyq unıversıtetí arasyndaǵy yntymaqtastyqty damytuǵa arnaǵan arnalǵan dóńgelek ústel ūıymdastyryldy.
Úsh kúndík ís-shara barysynda delegattar aldaǵy uaqytta Almatynyń bílím beru jáne mádenı nysandarymen tanysyp, Almaty menedjment unıversıtetíne, QazŪQPU-ǵa jáne NGS bastauysh árí orta mektepterín aralaıdy. Bolashaq pedagog mamadardyń basyn qosatyn Halyqaralyq studenttík forum kelesí jyly Shanhaı qalasynda ótpek.