Abaı dańǵyly 2021 jyly Momyshūly kóshesínen Nauryzbaı audanynyń ákímshílík ortalyǵyna deıín ūzaratyn bolady
Almaty ákímí Baqytjan Saǵyntaev «Almaty» telearnasyndaǵy jol ınfraqūrylymyn damytu jóníndegí onlaın- tanystyrylym barysynda magıstraldy joldardy úńgíleu jūmystarynyń barysy men qarqyny turaly aıtty, dep habarlaıdy Almaty-akshamy.kz.
Baqytjan Saǵyntaevtyń aıtuynsha, osyndaı tórt joba júzege asyryluda. Abaı dańǵylyn Momyshūly kóshesínen qala shekarasyna deıín ūzartu 4,8 shaqyrymdy qūraıdy. Yassauı kóshesínen Shūǵyla shaǵynaudanyndaǵy Bereke kóshesíne deıíngí íske asuy tıís uchaskeníń ūzyndyǵy 3 shaqyrym.
Joba boıynsha 6 jolaqty joldyń qūrylysy qarastyrylǵan, ár baǵyt boıynsha 3 jolaq, jayau júrgínshíler trotuarlary, velosıped joldary bolmaq. Sonymen qatar, Áshímov kóshesíníń qıylysynda jolaıryq jáne 4 jerústí jayau júrgínshíler ótkelín salu kózdelgen.
Qazírgí kezde ınjenerlík jelílerdí qaıta tartu, tórt jayau júrgínshíler ótkelín salu jūmystary júrude.
Sonymen bírge, qūrylys salynatyn jerlerdegí jer uchaskelerín satyp alu jūmystary júrgízílude. Qazírdíń ózínde 182 uchaske satyp alyndy, qalǵan 13 uchaskení satyp alu pysyqtaluda. Atalǵan jer uchaskelerí uaqtyly satyp alynsa, onda jūmysty aǵymdaǵy jyldyń sońyna deıín ayaqtau josparlanuda.
Stroıtelnaya kóshesínen qala shekarasyna deıíngí ūzyndyǵy 600 metr bolatyn uchaskedegí jūmysty 2023 jyldyń sońyna deıín ayaqtau josparlanuda. Joldyń qalalyq shekaradan BAKAD-qa deıíngí bólígín Almaty oblysynyń ákímdígí 2023 jyldyń sońyna deıín de júzege asyrady. Būdan ózge, ūzyndyǵy 500 metr bolatyn Momyshūly kóshesínen Yassauı kóshesíne deıíngí uchaskedegí jūmys metropolıtenníń ekínshí kezeńíndegí «Dostyq» beketíníń qūrylysy ayasynda júzege asyrylady.
Osylaısha, bıylǵy jyldyń sońyna deıín Abaı dańǵyly Momyshūly kóshesínen Nauryzbaı audanynyń ákímshílík ortalyǵyna deıín, al 2023 jyldyń sońynda BAKAD-tan qala shekarasyna deıín ūzaratyn bolady.
Saıyn kóshesín Rysqūlov dańǵylynan Móńke bı kóshesíne deıín 3,2 shaqyrymǵa ūzartu josparlanǵan. Joba boıynsha 6 jolaqty joldyń qūrylysy, ár baǵytta 3 jolaq, jayau júrgínshíler trotuarlary, velosıped joldary jáne jayau júrgínshíler ótkelderí qarastyrylǵan.
Kósheníń osy bólígíníń qūrylysy jolaıryǵymen qosa alǵanda Alatau audanynyń shaǵynaudandary men qala mańyndaǵy eldí mekenderdí qalanyń negízgí magıstraldarymen baılanystyrady jáne mańyzdy kólík dálízín jasaıdy.
Nauryzbaı audanyndaǵy Alatau kóshesí kóshesí Sabdenov kóshesínen Raıymbek dańǵylyna deıín sozylady, ūzyndyǵy – 2 km. Joba boıynsha 4 jolaqty jol qarastyrylǵan. Jūmysty qyrkúıek aıyna deıín tolyq ayaqtau josparlanuda.
Osy uchaske qūrylysynyń ayaqtaluy Abaı dańǵylyn úńgíleumen bírge Nauryzbaı audanynynyń ortalyǵyn qalanyń negízgí kommunıkatsıyalarymen baılanystyruǵa múmkíndík beredí.
Áuezov kóshesín soltústík baǵytta Gogol kóshesínen Raıymbek dańǵylyna deıín úńgíleu qalany damytudyń Bas josparynda qarastyrylǵan. Áuezov kóshesíndegí osy uchaske qūrylysy 4 jolaqty bolady árí soltústík-ońtústík baǵytynda kólík ótkízu qabíletín edáuír arttyrady.
Jańa uchaskeníń kólík ótkízu qabíletí táulígíne shamamen 36 myń kólíktí qūraıdy, būl kórshí kóshelerdegí júktemení edáuír jeńíldetedí.