Jańa jyl merekesi qarsańynda Almaty turǵyndary men qala qonaqtaryna arnap «Almaty áýenderi» mekemesiniń shyǵarmashylyq ujymy «Kel, Jańa jyl!» atty keń aýqymdy konserttik baǵdarlamasyn usynady.
Merekelik is-shara 29-30 jeltoqsan kúnderi saǵat 19:00-de Abaı alańynda ótedi. Ashyq aspan astynda uıymdastyrylatyn konsert Jańa jyldyq kóńil kúıdi sezinýge, qala turǵyndary men qonaqtaryn bir arnaǵa toǵystyryp, ortaq merekelik shattyqqa bóleýge baǵyttalǵan.
Konserttik baǵdarlamada elimizge tanymal kórermen yqylasyna bólenip júrgen ánshiler óner kórsetedi. Atap aıtqanda Baqtıar Taılaqbaev, Óktem Altaev, Tahmına Áshimbekova, Jubanysh Jeksenuly, Marta Tólepbergen, Asqat Tarǵyn, Beıbitgúl Nurymhojına, Dımash Dáýletov, Abık Jeksen, Ǵarıfa Igisinova, Erik Tólenov jáne DARO syndy belgili ónerpazdar án shyrqaıdy. Artıser tyńdarmanǵa otandyq estradanyń tańdaýly týyndylaryn, sondaı-aq jańa jyldyq kóńil kúı syılaıtyn áýenderdi usynbaq.
Merekege oraı bezendirilgen sahna, sapaly dybys pen jaryq, kásibı oryndaýshylardyń óneri kórermenderge umytylmas áser syılamaq.
Ótetin orny: Abaı alańy
Kúni: 29-30 jeltoqsan
Ýaqyty: 19:00
Barshańyzdy Jańa jyldy birge qarsy alýǵa shaqyramyz!