Almaty Ortalyq Azıadaǵy eń damyǵan megapolıs retindegi mártebesin nyǵaıtyp keledi. Týrızm salasyndaǵy oń kórsetkishter óńirdiń negizgi baǵyttarynyń biri retinde qalaǵa qyzyǵýshylyqtyń turaqty ósip otyrǵanyn dáleldeıdi. Týrıser leginiń artýy ınfraqurylymdy damytý, qyzmet kórsetý sapasyn jaqsartý jáne Almatynyń halyqaralyq tanymaldyǵyn keńeıtý boıynsha júrgizilip jatqan jumystardyń tıimdiligin kórsetedi.
2025 jyldyń úsh toqsanynda megapolıske 1 869 375 adam kelgen, bul 2024 jyldyń osy kezeńimen salystyrǵanda 8,1%-ǵa artyq (1 729 601 adam). Solardyń ishinde 563 myńy sheteldik týrıser bolyp, 11%-ǵa ósti, al 1,3 mln ishki saıahatshylar, olardyń sany 6,9%-ǵa artqan.
Negizgi elderden kelgen sheteldik qonaqtar sanynyń ósýi baıqalady. 2025 jyldyń toǵyz aıynda Almatyǵa Reseıden 124,2 myń adam kelgen, bul ótken jylmen salystyrǵanda 5,7%-ǵa kóp. Qytaıdan kelgen qonaqtar sany 102,1 myń adamǵa jetip, birden 39,2%-ǵa ósti. Úndistannan kelgender legi 85,6 myń adamǵa jetip, 3,5% ósim kórsetti.
Sondaı-aq, sheteldik týrıser sany boıynsha kósh bastap turǵan elder qatarynda Túrkıa (28 670 adam, ósim 9,1%), Koreıa Respýblıkasy (18 535 adam, ósim 17,5%), Germanıa (12 549 adam, ósim 15,6%), Qyrǵyzstan (12 356 adam, ósim 18,9%), Ózbekstan (12 259 adam, ósim 8,9%), Ulybrıtanıa (10 143 adam, ósim 7,1%), Italıa (7 637 adam, ósim 28,5%), Saýd Arabıasy (6 750 adam, ósim 5,2%), Malaızıa (5 773 adam, ósim 16,9%) jáne Fransıa (4 688 adam, ósim 25,4%) bar.
Halyqaralyq týrıser sanynyń ósýine týrısik ınfraqurylymdy damytý men qonaqtarǵa arnalǵan zamanaýı sıfrlyq ári servıstik sheshimderdi engizýdiń nátıjesinde qol jetken. Almaty kelýshiler geografıasyn keńeıtip, saıahatshylar úshin qolaıly jaǵdaı jasap, demalys pen iskerlik týrızmniń tartymdy baǵyty retinde pozısıasyn nyǵaıtyp otyr.
Halyqaralyq deńgeıde tanylý júrgizilip jatqan jumystyń tıimdiligin rastaıdy. Almaty 2025 jyly barýǵa usynylǵan baǵyttar tizimine CNN arnasy tarapynan engizildi, al brıtandyq The Telegraph basylymy Almatyny «Ortalyq Azıanyń injý-marjany» dep atady. Booking.com taldamaly dereginshe, Almaty Ortalyq Azıadaǵy týrısik baǵyttar arasynda eń jyldam damyp kele jatqan ondyqqa kiredi.