Aqsaqal Saltanat Túıtebaev 80 jasynda Nyu-Iork marafonyna qatysyp, 42 shaqyrymdy júgíríp óttí, dep habarlaıdy aqshamnews.kz tílshísí.
Elorda ákímdígíníń málímetínshe, Astana halyqaralyq áuejaıynda 5 qarashaǵa auǵan túní júgíruden Nyu-Iork marafonynda 80-89 jas sanatynda chempıon atanǵan Saltanat Túıtebaev elge oraldy.
Kópke úlgí, júgírudí kúndelíktí ádetíne aınaldyrǵan aqsaqaldy tuǵan-tuystary qūshaq jaya qarsy aldy.
"Álemde eń bedeldí sanalatyn 6 marafon bar. Olar London, Boston, Berlın, Chıkago, Nyu-Iork jáne Tokıo qalalarynda ótedí. Būl básekege tek jarna tólep qana qatysa almaısyń. Arnaıy uaqyt normatıvín oryndauǵa tıíssíń. Men Amsterdamdaǵy trassada belgílí bír uaqyt kórsetkíshín tírkep, Nyu-Iork marafonyna qatysuǵa ótínísh jíbergenmín. Bıyl 200 myń úmítker arasynan shaqyrtu aldym. Óz kareramda ekínshí márte Nyu-Iork marafonynda júgíru baqyty būıyrdy", – dedí Saltanat Túıtebaev.
80 jastaǵy atamyz būǵan deıín 2021 jyly da Nyu-Iork marafonyna qatysyp, 75-79 jas sanatynda kúmís júlde alǵan edí. Míne, araǵa 4 jyl salyp, ol 42,2 shaqyrymdy 4 saǵat 45 mınut 56 sekundta júgíríp óttí. Osy nátıjeníń arqasynda atamyz 80-89 jas sanatynda top jardy.
"2021 jyly álemde pandemıya bolǵanyqtan, Nyu-Iork marafonyna 30 myńdaı adamǵa qatysuǵa rūqsat berílíp edí. Osy joly 55 myń adam bír mezette júgírdí. Olımpıada jáne álem chempıondarymen, rekordsmendermen bírge júgíru – úlken mártebe. Trassa óte auyr bolsa da, jol boıy 2 mln-nan astam jankúıer qyzu qoldady", – dep Saltanat Túıtebaev atamyz bıylǵy jarystyń erekshelígín atap óttí.
Jalpy 2025 jylǵy Nyu-Iork marafonynda Qazaqstan atynan 44 sportshy qatysty.
Al New York Marathon júgírísínde eń egde qatysushy bolyp Japonıyadan barǵan Koıchı Kıtabatake tanyldy. 91 jastaǵy qatysushy marafon qashyqtyǵyn 7 saǵat 25 mınut 13 sekundta eńsergen.