"Adam kúníne 8 saǵat ūıyqtauy tıís" degendí kóbímízdíń estígenímíz anyq. Būl - jalpylama ūsynys, bíraq báríne bírdeı emes. Ǵalymdardyń píkírínshe, ár adamnyń ózíne tán ūıqy mólsherí bolady. Kóp jaǵdaıda ol 7–9 saǵat aralyǵyn qamtıdy. Ūıqysyzdyq pen az ūıyqtaudyń zıyany jaıly Aqshamnews.kz tílshísí zerttep kórdí.
Balalar men jasóspírímderge ūıqy kóbírek qajet: náresteler táulígíne 14–17 saǵat ūıyqtasa, jasyna qaraı būl uaqyt 8 saǵatqa deıín azayady. Sondaı-aq júktí áıelderge, sportshylarǵa jáne tabıǵatynan kóp ūıyqtaıtyn adamdarǵa 9–12 saǵattyq demalys qajet.
Kerísínshe, keı adamdar 4–6 saǵat ūıyqtap-aq, sergek oyana alady. Mūndaı qasıet genetıkalyq túrde qalyptasady jáne shamamen 20 jasqa deıín túbegeılí qalyptasyp bolady.
Ūıqy az bolsa, adamda enjarlyq, ashushańdyq jáne sharshau baıqalady. Bíraq būl – tek alǵashqy belgíler. Ūzaq merzímdí ūıqynyń jetíspeushílígí aǵzaǵa auyr saldar ákeluí múmkín:
- Semízdík. Ūıqy kezínde tábettí retteıtín jáne energıya almasuyn baqylaıtyn gormondar túzíledí. Ūıqy jetkílíksíz bolsa, būl protsester būzylady. Sondaı-aq adam táttí men fastfudqa kóbírek áues bolady.
- Júrek aurulary. Kúníne 6 saǵat ūıyqtau da júrek-qan tamyr júıesíne zıyan. Ūıqynyń jetíspeushílígí gıpertonıya, ınsult jáne arıtmıya qaupín arttyrady.
- Kóńíl kúıdíń ózgeruí. Bír tún ūıyqtamaı shyqqan adamnyń ózí ashushań bolady. Ūıqysyzdyq ūzaqqa sozylsa kúızelíske ūlasuy múmkín.
- Immunıtettíń álsíreuí. Ūıqy kezínde aǵza ınfektsıyamen kúresedí. Ūıqy az bolsa, auru jıí qaıtalanady.
Ūıqy jetíspeuí men ūıqysyzdyqtyń aıyrmashylyǵy
Ūıqy jetíspeu – kóbíne syrtqy jaǵdaılarǵa baılanysty (mysaly, jūmys nemese oqu kestesí). Mūndaı kezde adam ūıyqtaǵysy keledí, bíraq oǵan uaqyt tappaı júredíú
Ūıqysyzdyq – būl ūıqy būzylysy. Adamnyń uaqyty bar, ūıyqtaǵysy keledí, bíraq ūıyqtaı almaıdy nemese jıí oyanyp ketedí.
Būnyń ekí túrí bar:
-
Bírínshílík ūıqysyzdyq – basqa aurularmen baılanysty emes.
-
Ekínshílík ūıqysyzdyq – kúızelís, sozylmaly aurular sıyaqty sebepterden paıda bolady.
Ūıqysyzdyq neden paıda bolady?
Negízgí sebepter:
- ūzaqqa sozylǵan stress (jūmys, ajyrasu, kóshu jáne t.b.);
- tūraqsyz jūmys kestesí (túngí auysymdar);
- jaısyz jaǵdaı: ystyq, jaryq, shu, dūrys emes jastyq nemese tósek;
- ūıyqtar aldynda kofe, alkogol, temekí.
Ūıqyny retteudíń qarapaıym joldary:
-
Bír uaqyt rejımín ūstanyńyz. Kún saıyn bír uaqytta ūıyqtap, bír uaqytta oyanyńyz – demalys kúnderí de. Būl aǵzanyń íshkí yrǵaǵyn tūraqtandyrady.
-
Tústen keıín az ǵana ūıyqtau nemese kóz shyrymyn alu paıdaly. 15–20 mınuttyq demalys mıǵa sergítedí.
-
Ekrandy sóndíríńíz. Telefon men jaryq ekrany melatonınníń bólínuín tejeıdí. Ūıyqtardan 1–2 saǵat būryn gadjetterdí qoıyp, kítap oqyǵan dūrys.
-
Bólmení salqyndatyńyz. Eń qolaıly temperatura - shamamen 18–20 °C.
-
Yńǵaıly tósek tańdańyz. Matras tym qatty da, tym jūmsaq ta bolmauy kerek. Jastyq ıyq bıíktígíne saı bolǵany jón.
-
Ūıyqtar aldynda tamaq íshpeńíz. Kofe, alkogol jáne auyr taǵamdardan bas tartyńyz.
-
Relaksatsıya jasańyz. Medıtatsıya, jyly dush, bayau muzyka nemese jeńíl sozylu jattyǵulary ūıyqtauǵa kómektesedí.
Eger eshteńe kómektespese:
Kóp jaǵdaıda ūıqysyzdyqty ómír saltyn retteu arqyly jeńuge bolady. Bíraq eger ol jalǵasa berse:
-
Kognıtıvtí-mínez-qūlyq terapıyasy (KMT) - ūıqyǵa qatysty terís oılar men ádetterdí ózgertuge kómektesedí.
-
Relaksatsıyalyq ádíster - ıoga, tynys alu jattyǵulary, medıtatsıya.
-
Dárí-dármek - tek dárígerdíń nūsqauymen jáne qysqa merzímge.
Ūıqy - aǵzanyń qalpyna kelu uaqyty. Árkímníń óz normasy bar, bíraq bastysy - tūraqtylyq pen sapaly tynyǵu.