Almaty oblysynyń taýly aýdandarynda kúndiz naızaǵaı oınaıdy.
Qazgıdromet taratqan málimetterge qaraǵanda, respýblıkanyń soltústik, ortalyq aımaqtarynda atmosferalyq frontaldy bólikterdiń áserinen kún raıy turaqsyz bolady, dep habarlaıdy Almaty-akshamy.kz.
Keı jerlerde naızaǵaı oınap, jańbyr jaýady, burshaq jaýyp, daýyl turady. Basqa aımaqtarda kún jaýyn-shashynsyz blady. Batysta jáne ońtústikte qatty ystyq bolady. Respýblıka boıynsha keı jerlerde jel kúsheıip, ońtústikte shańdy daýyl turady. Aqmola, Soltústik Qazaqstan oblystarynyń keı jerlerinde naızaǵaı oınaıdy, jel 15-23 m/s jyldamdyqpen soǵady.
Kúndiz keı jerlerde burshaq jaıyp, daýyl turady, Soltústik Qazaqstan oblysynda túnde jáne tańerteń tuman túsedi. Qostanaı oblysynyń keı jerlerinde naızaǵaı oınap, burshaq jaýady, daýyl turady, jel 15-20 m/s jyldamdyqpen esedi. Túrkistan oblysynda, kúndiz Qyzylorda, Jambyl oblystarynyń keı jerlerinde jel 15-20 m/s jyldamdyqpen esip, shańdy daýyl turady. Kúndiz Pavlodar, Qaraǵandy, Aqtóbe oblystarynda naızaǵaı oınap, jel sekýndyna 15-20 metrge deıin kúsheıedi. Almaty oblysynyń taýly aýdandarynda kúndiz naızaǵaı oınaıdy. Shyǵys Qazaqstan oblysynyń keı jerlerinde kúndiz jel 15-20 m/s jyldamdyqpen soǵady. Kúndiz Atyraý oblysynyń keı jerlerinde aptap ystyq bolady.
Kúndiz Mańǵystaý, Batys Qazaqstan, Jambyl, Kyzylorda, Túrkistan, Aqtóbe oblystarynyń basym bóliginde, Qaraǵandy oblysynyń ońtústiginde qatty ystyq saqtalady. Qyzylorda, Túrkistan, Mańǵystaý, Atyraý, Jambyl, Aqtóbe oblystarynyń basym bóliginde, Qaraǵandy, Almaty, Batys Qazaqstan, oblystarynyń keı jerlerinde, Qostanaı, Shyǵys Qazaqstan oblysynyń ońtústiginde, Aqmola oblysynyń jekelegen aýdanynda óte joǵary órt qaýpi saqtalady.