2026 jylǵy 6 qańtarda Astanadaǵy azamattyq íster jóníndegí audanaralyq sotta abyroı, qadír-qasıet jáne ískerlík bedeldí qorǵau turaly ís qaraldy. Nátıjesínde sot talap-aryzdy qanaǵattandyrudan bas tartty, dep habarlaıdy Aqshamnews.kz tílshísí.
Sot materıaldaryna sáıkes, taraptar arasynda tort daıyndau jáne tapsyru boıynsha auyzsha kelísím bolǵan: jauapker saltanatty sharaǵa arnalǵan tortty ázírlep, tapsyrys berushí ony alyp, paıdalanǵan. Alaıda torttyń sońǵy baǵasy aldyn ala naqty kelísílmegen, osy jaıt keıín daudyń tuyndauyna sebep bolǵan.
Daudan keıín jauapker áleumettík jelíde jarıyalanym jasap, keıín úshínshí tūlǵalar túsírgen vıdeomaterıaldardy óz paraqshasynda bólískení aıtyldy. Sot atalǵan vıdeony jauapkerdíń ózí túsírmegenín anyqtaǵan.
Tapsyrys berushí sot saraptamasyn taǵaıyndaudan bas tartuyna baılanysty, sot taraǵan aqparattyń abyroıǵa nūqsan keltíretín-keltírmeıtínín jáne onyń qūqyqtyq sıpatyn naqty aıqyndaı almaǵan.
Sondaı-aq sot tauar belgísí boıynsha avtorlyq qūqyqtyń būzylǵanyn dáleldeıtín naqty derek tappaǵan, jeke derekterdíń zańsyz jarıyalanǵany da rastalmaǵan.
Osyǵan baılanysty sot barlyq talapty qanaǵattandyrmau turaly sheshím shyǵardy. Qauly ázírge zańdy kúshíne engen joq.
Aıta keteıík, dau qūny 600 myń teńge bolatyn tortqa qatysty tuǵan.