Kúní keshe Qazaqstan Respublıkasy Ūlttyq ūlanynyń 5571 áskerı bólímínde mańyzdy árí saltanatty shara óttí. Áskerı bólím qataryna jańadan qosylǵan 600-den astam jas sarbaz Otan aldyndaǵy basty boryshynyń belgísí – Áskerı ant qabyldady.
Saltanatty rásímge áskerı bólímníń ardagerlerí, Almaty qalasy men Almaty oblysy boıynsha «Analar júregí» sarbazdar analary komıtetíníń ókílí Tatyana Tropına, almatylyq jedel qūramanyń basshylyǵy, sondaı-aq sarbazdardyń ata-analary men jaqyn tuystary qatysty. Ís-shara ashyq dep jarıyalanǵannan keıín Qazaqstan Respublıkasynyń Memlekettík Gımní shyrqalyp, elímízdíń kók baıraǵy saltanatty túrde kóteríldí. Memlekettík tudy kóteru qūrmetí oqu punktíníń úzdík sarbazy, qatardaǵy Ermek Mūsahanovqa beríldí.
Saltanatty jıynda sóz sóılegen 5571 áskerı bólímíníń komandırí, polkovnık Maqsat Baımaǵūlov jas sarbazdardy mańyzdy tarıhı sátpen qūttyqtap, olardyń aldaǵy qyzmetíne sáttílík tíledí: – Búgín áskerı bólímde erekshe árí mańyzdy oqıǵa bolyp otyr. Jas sarbazdardyń Áskerı ant qabyldauy – bíz úshín mártebelí kúnderdíń bírí. Osy sát ómírleríńízde máńgí este saqtalatynyna senímdímín. Búgínnen bastap sízder Qazaqstan Respublıkasy Ūlttyq ūlanynyń sarbazdary qataryna resmı túrde qosyldyńyzdar. Endí el tynyshtyǵyn senímdí qorǵap, áskerı boryshtaryńyzdy adal atqaryńyzdar. Ūlttyq ūlannyń atyn, onyń baı áskerı dástúrín abyroımen jalǵastyru – sízderdíń basty míndetteríńíz, – dedí brıgada komandırí.
Sondaı-aq mínberde 2-oqu rotasynyń sarbazy qatardaǵy Álíbek Aqmoldaevtyń anasy Janna Naǵyzbekqyzy, bólím ardagerler keńesíníń tóraǵasy, zapastaǵy maıor Berík Almaǵambetov jáne «Analar júregí» sarbazdar analary komıtetíníń ókílí Tatyana Tropına sóz sóılep, jas jauyngerlerge aq tílekterín arnady. Olar áskerı qyzmetshílerge alǵystaryn bíldíríp, sarbazdardyń el qorǵany bolu jolyndaǵy jauapty qyzmetíne sením bíldírdí.
Sonymen qatar 1-oqu rotasynyń sarbazy qatardaǵy Álınūr Áshírhan da sóz alyp, qarulastaryna jíger beríp, Otanǵa adal qyzmet etuge shaqyrdy. Osylaısha, jas jauynger kursynan ótken jáne Áskerı ant qabyldaǵan sarbazdar búgínnen bastap elímízdíń zańdylyǵy men qoǵamdyq qauípsízdígín qamtamasyz etetín Ūlttyq ūlan áskerı qyzmetshílerímen bír sapta qyzmet etetín bolady.
Esteríńízge sala keteıík, 5571 áskerı bólímíníń jeke qūramy ońtústík astananyń qoǵamdyq-sayası, sporttyq, mádenı ís-sharalaryna, sondaı-aq megapolıstegí qoǵamdyq tártíptí saqtauǵa belsendí qatysady. Ant bergen sarbazdar jaqyn arada Almaty kóshelerínde qūqyqtyq tártíptí qamtamasyz etu jóníndegí míndetterdí oryndauǵa kírísedí.
