"Qazgıdromet" RMK sınoptıkterí Qazaqstannyń basym bólígínde aua temperaturasy qauíptí deńgeıge deıín kóteríletínín aıtyp, dauyldy eskertu jarıyalady, – dep habarlaıdy aqshamnews.kz tílshísí.
Mamandardyń málímetínshe, aptap ystyqtyń eń joǵary deńgeıí Mańǵystau oblysynda baıqalady. Mūnda 2026 jylǵy 11-17 shílde aralyǵynda aua temperaturasy +43-46°C-qa deıín kóteríledí dep boljanyp otyr.
Qyzylorda jáne Túrkístan oblystarynyń tūrǵyndaryna da qıyn bolady. Būl óńírlerde keı kúnderí aua temperaturasy +45-46°C-qa deıín jetuí múmkín. Al Jambyl oblysynda +44°C-qa deıín ystyq bolady dep kútíledí.
Sondaı-aq Almaty oblysy (onyń íshínde Qonaev qalasy) men Jetísu oblysynda da aptap ystyq ornaıdy. 11-17 shílde aralyǵyndaǵy eń ystyq kúnderí aua temperaturasy +40-42°C kórsetedí.
Aqtóbe jáne Atyrau oblystarynda da aua temperaturasy +40°C shamasynda bolady.
Sonymen qatar Qostanaı, Aqmola, Qaraǵandy oblystarynda, Qazaqstannyń batys óńírlerínde jáne Ūlytau oblysynda aua temperaturasy +40-41°C-qa deıín kóteríledí.