"Qazgıdromet" sınoptıkteri 15, 16 jáne 17 shildege arnalǵan aýa raıy boljamyn usyndy, - dep habarlaıdy Aqshamnews.kz.
Naızaǵaı soǵyp, jańbyr jaýady
Qazaqstan aýmaǵynyń basym bóliginde atmosferalyq fronttardyń ótýine baılanysty jańbyr jaýyp, naızaǵaı soǵady dep kútiledi. 16 shildede elimizdiń batysy men soltústiginde, 17 shildede soltústik-batys pen soltústikte nóser jaýyp, burshaq pen daýyl bolýy yqtımal. Tek ońtústikte aýa raıy ystyq ári jaýyn-shashynsyz bolady. El aýmaǵynda jel kúsheıedi, al soltústik-batysta túnde jáne tańerteń tuman túsedi.
Temperatýra qandaı bolady?
16-17 shilde kúnderi respýblıkanyń ońtústik-batysynda aptap - 39-44 gradýs kútiledi. 17 shildede elimizdiń ortalyǵynda da 40 gradýsqa deıin óte ystyq bolady. Ońtústikte 40-44 gradýs, ońtústik-shyǵysta 40-42 gradýs ystyq bolady. Soltústik óńirlerde 30-35 gradýs, al shyǵysta 35-38 gradýs aralyǵynda aptap ystyq bolady.
Shildede aýa raıy qandaı bolady?
Buǵan deıin sınoptıkter 2025 jylǵy shildege arnalǵan aýa raıy boljamyn jarıalaǵan. Boljamǵa sáıkes, shildede elimizdiń kóp bóliginde turaqsyz aýa raıy saqtalady. Jańbyr, keı jerlerde nóser túrinde, naızaǵaımen, burshaqpen jáne ekpindi jelmen birge júredi.
Ońtústik óńirlerde qatty jáne óte qatty ystyq bolady. Keı aýdandarda shańdy daýyl bolýy múmkin. Bul aımaqtarda órt qaýpi óte joǵary deńgeıde saqtalady.