Qanat Taımerdenov polısıadaǵy maman jetispeýshiligi máselesi jaıynda da aıtty.
Shahardyń bas saqshysynyń aıtýynsha, qalalyq Polısıa departamentinde 6040 qyzmetker eńbek etýde, dep habarlaıdy Almaty-akshamy.kz.
Onyń ishinde 5597-i attestasıalanǵandar. Qalǵany – memlekettik ákimshilik qyzmetshiler. Kúndelikti, kezekshi otrádtan basqa, qoǵamdyq tártipti kúzetýge 1500 polıseı 550 patrúldik beketterge jiberiledi.
Spıker atap ótkendeı, kadrlardy tek mamandandyrylǵan joǵary oqý oryndarynyń túlekteri ǵana tolyqtyrmaıdy.
Basqarma bastyǵynyń pikirinshe, qalalyq PD 10 qyzmetkeriniń tórteýi 25-ke tolmaǵan. Jyl saıyn Almatyǵa arnaıy ýnıversıtetterden, Qaraǵandy jáne İİM akademıasynan jumysqa ornalasýǵa 100-120 adam keledi.
«Sonymen qatar, biz azamattyq ýnıversıtetterden ishki ister organdaryna qyzmet etýge nıet bildirgen adamdardy da alamyz. Biz ózimizdi udaıy jańartyp jatyrmyz. Eger tek jeke quramdy alatyn bolsaq, ondaǵy jańarý úrdisi shamamen 40 %-ǵa jýyqtaıdy. Bul degenimiz 25 jasqa tolmaǵan qyzmetkerler jumys jasaıdy degendi bildiredi», – dep aıtty Qanat Taımerdenov.