Tutynýshylyq nesıe alatyndar úshin talaptar qatańdatylyp jatyr, dep habarlaıdy aqshamnews.kz
Qarjy naryǵyn retteý jáne damytý agenttigi 2025 jylǵy 24 qarashadan bastap kepilsiz tutynýshylyq nesıe berýge shekteý engiziletinin málimdedi.
Agenttik bıyl 7 qarashada jańa qaýly qabyldaǵan. Maqsat – nesıesin óteı almaı júrgen adamdarǵa jańa kredıt berýdi shekteý jáne halyqtyń shamadan tys qaryzǵa batýynyń aldyn alý.
Qaýly boıynsha, sońǵy 12 aıda 90 kúnnen asa keshiktirilgen qaryzy bar qazaqstandyqtar úshin borysh júktemesiniń koefısıenti 0,5-ten 0,25-ke deıin tómendetiledi. Iaǵnı bankter mundaı adamdarǵa burynǵydan az mólsherde kredıt beredi.
Budan bólek, myna talaptardyń biri bolǵan kezde kepilsiz tutynýshylyq nesıe berýge shekteý engiziledi:
bank nesıesin 30 kúnnen, al mıkrokredıtti 1 kúnnen asa ýaqytqa keshiktirgen kezde;
2025 jylǵy 1 shildeden bastap sońǵy úsh jylda negizgi borysh jáne syıaqy boıynsha qaryzy tolyq keshirilse;
sońǵy 12 aıda qaıta qurylymdaý (restrýktýrızasıa) júrgizilip, biraq ol qaryz alýshynyń óz mindettemelerin tıisinshe oryndaýyna yqpal etpese nesıe alý qıyndaıdy.
Bul ózgerister osy jyly 24 qarashadan bastap kúshine enedi.