2027 jyldan bastap elímízde Medıtsınalyq kómektíń bíryńǵaı paketí qoldanysqa enedí. Būl turaly Óńírlík kommunıkatsıyalar qyzmetínde ótken baspasóz konferentsıyasynda Almaty qalasy Qoǵamdyq densaulyq saqtau basqarmasynyń bólím jetekshísí Láıla Imanǵalıeva habarlady.
«Zańǵa engízílgen ózgerísterge sáıkes, 2025 jyldyń ekínshí jartysynan bastap barlyq onkologıyalyq skrınıngter tegín jasalatyn boldy. Yaǵnı, onkoskrınıngten ótu úshín saqtandyru statusy talap etílmeıdí. Sondaı-aq, 2026 jyldan bastap áleumettík mańyzy bar 8 dertke kúdík keltírílgen jaǵdaıda konsultatıvtík-dıagnostıkalyq kómek tegín kórsetíledí. Būǵan deıín atalǵan qyzmetter tek VICh pen tuberkulez syndy 2 syrqat boıynsha ǵana tegín bolatyn», - dep atap óttí Láıla Imanǵalıeva.
2026 jyldan bastap ambulatorlyq dıalız, konsultatıvtík-dıagnostıkalyq kómek, ambulatorlyq deńgeıde dárí-dármekpen qamtamasyz etu, dınamıkalyq baqylauǵa jatatyn 12 syrqat toby boıynsha josparly statsıonarlyq jáne statsıonardy almastyratyn kómek MÁMS paketí arqyly kórsetíletín bolady. Būlar: bauyr, qan men qan shyǵaru organdarynyń, ísh qūrylys aurulary, jūqpaly emes enterıt jáne kolıt, artropatıya, dorsopatıya, qalqansha bezí aurulary, qaterlí emes adenoma ísígí, sút bezderíníń qaterlí emes dısplazıyasy, áıelderdíń jynystyq aurulary, bronh-ókpe dısplazıyasy, tuabíttí júrek aqauy, íshte paıda bolǵan kemístíkter t.b.
Spıkerdíń aıtuynsha, būl bastamalar 2027 jyldan bastap qarjylandyrudyń saqtandyru úlgísíne basymdyq beruge múmkíndík jasaıdy. Nátıjesínde densaulyq saqtau salasyna jūmsalatyn shyǵynnyń 35% Tegín medıtsınalyq kómek paketínen (TMKKK), 65% MÁMS paketínen alynbaq. Qazírgí tańda shyǵynnyń 57% TMKKK paketíne, qalǵan 43% MÁMS-ke tıesílí.
2026 jyldan bastap TMKKK paketí mynadaı qyzmetterden tūrady:
• Jedel járdem;
• Bastapqy medıtsınalyq-sanıtarlyq kómek;
• 8 túrlí áleumettík mańyzy bar auruǵa kúdík keltírílgen jaǵdaıda dıagnostıka jasau;
• 8 túrlí áleumettík mańyzy bar auruǵa shaldyqqandarǵa statsıonarlyq jáne statsıonardy almastyratyn kómek;
• Onkoskrınıgter;
• Infektsıya;
• Saqtandyrylmaǵandardy shūǵyl jaǵdaılarda statsıonarda emdeu;
• Pallıatıvtík kómek;
• Qan preparattarymen qamtamasyz etu.
Al, MÁMS paketínde saqtandyrylǵan azamattarǵa mynadaı qyzmetter kórsetílmek:
• Konsultatıvtík-dıagnostıkalyq qyzmetter, TMKKK paketínen tys dárí-dármekpen qamtamasyz etu, sonyń íshínde, sozylmaly aurulardyń 26 túrí boıynsha;
• Statsıonarlyq jáne statsıonardy almastyratyn kómek, sonyń íshínde, sozylmaly aurulardyń 26 túrí boıynsha;
• Joǵary tehnologıyalyq medıtsınalyq kómek;
• Medıtsınalyq reabılıtatsıya.