Feık: AQSh-tyń Irannyń Bender-Abbas qalasyndaǵy «qazaqstandyq portqa soqqy jasady.
QR Sauda jáne ıntegratsıya mınıstrlígí: Irandaǵy Shahıd-Radjaı portynyń ınfraqūrylymy jáne qazaqstandyq kólík-logıstıkalyq jobaǵa bólíngen jer uchaskesí soqqyǵa ūshyraǵan joq jáne eshqandaı zaqym kelmegen. Joba íske asyrudyń bastapqy kezeńínde, ınfraqūrylym nysandarynyń qūrylysy álí bastalǵan joq.
JAQ.OrtCom túsíndírmesí: Būl aqparat ūǵymdardy almastyru ádísí arqyly taratylǵan. Jarıyalanymdarda bolashaqta íske asyrylatyn ınvestıtsıyalyq joba qazírdíń ózínde jūmys ístep tūrǵan «qazaqstandyq port» retínde kórsetílgen. Sonyń saldarynan oqıǵanyń auqymy jasandy túrde ūlǵaıtylyp, Qazaqstan múddeleríne nūqsan keldí degen jalǵan túsíník qalyptastyru maqsatyn kózdegen.
Feık: Reseı Federatsıyasyndaǵy nysandarǵa shabuyl jasau úshín Qazaqstan aumaǵynan ūshqyshsyz ūshu apparattary ūshyryldy.
QR Syrtqy íster mınıstrlígí: Mūndaı málímdemeler arandatushylyq sıpatqa ıe. Qazaqstan óz aumaǵyn, áue keńístígín jáne ınfraqūrylymyn basqa memleketterge qarsy ís-qımyldar úshín paıdalanuǵa jol bermeıdí.
JAQ.OrtCom túsíndírmesí: Būl sıyaqty habarlamalar eń aldymen syrtqy sayası rezonans tudyruǵa baǵyttalǵan. Olardyń maqsaty - Qazaqstandy halyqaralyq janjalǵa tartylǵan el retínde kórsetu jáne el íshínde, odan tys jerlerde de senímsízdík tudyru. Mūndaı aqparattyq operatsıyalarǵa emotsıyalyq reńktíń joǵary boluy jáne tekseruge keletín naqty aıǵaqtardyń bolmauy tán.
Feık: Reseı Federatsıyasy Qazaqstannan benzın jetkízu turaly resmı sūranys joldady.
QR Energetıka mınıstrlígí: Reseı tarapynan eshqandaı resmı ótínísh túsken joq. Eksporttau múmkíndígí tek resmı ótínísh bolǵan jaǵdaıda jáne íshkí naryqtyń múddesíne nūqsan keltírílmegen jaǵdaıda ǵana qarastyryluy múmkín.
JAQ.OrtCom túsíndírmesí: Būl manıpulyatsıya yqtımaldyqty naqty fakt retínde kórsetu prıntsıpíne negízdelgen. Teorıyalyq tūrǵyda múmkín bolatyn stsenarıı qabyldanyp qoıǵan sheshím retínde ūsynylyp, oqıǵanyń aldyn alu múmkín emes degen jalǵan píkír tudyrǵan.
Feık: Janarmaıdy shetelge eksporttau saldarynan Qazaqstanda janar-jaǵarmaı materıaldarynyń tapshylyǵy tuyndady.
QR Úkímetí: Íshkí naryq janar-jaǵarmaımen tolyq qamtamasyz etílgen, mūnaı óńdeu zauyttary shtattyq rejımde jūmys ístep tūr. JJM-ny zańsyz áketudíń jolyn kesu boıynsha qosymsha sharalar qabyldanuda.
JAQ.OrtCom túsíndírmesí: Mūndaı habarlamalar janarmaıǵa sūranys artqan kezeńderde jıí paıda bolady. Olardyń maqsaty - jasandy tapshylyq kútu sezímín qalyptastyru, būl óz kezegínde dúrlígudí tudyryp, qoǵamdyq mazasyzdyqty kúsheıtuge qauqarly.
Feık: 2026 jylǵy 1 shíldeden bastap avtokólíkterge salynatyn kedendík baj salyǵy óstí.
QR Qarjy mınıstrlígí Memlekettík kíríster komıtetí: Qoldanystaǵy kedendík baj salyqtarynyń mólsherlemelerí ózgergen joq jáne Eurazıyalyq ekonomıkalyq komıssıyanyń sheshímderíne sáıkes būrynǵy tártíppen qoldanyluyn jalǵastyruda.
JAQ.OrtCom túsíndírmesí: Mūndaı jarıyalanymdarda qauesettí naqty bír kúntízbelík kúnge tańu ádísí qoldanylǵan. Naqty kúndí («1 shíldeden bastap») kórsetu audıtorıyanyń senímín arttyryp, aqparatty teksergenge deıín onyń jyldam taraluyna túrtkí bolady.
Feık: Almaty oblysynda suarmaly sudyń tapshylyǵynan 100 gektar egístík alqaby qurap qaldy.
QR Su resurstary jáne ırrıgatsıya mınıstrlígí: Su beru shtattyq rejımde júzege asyrylyp jatyr, su resurstarynyń tapshylyǵy turaly málímetter rastalǵan joq.
JAQ.OrtCom túsíndírmesí: Mūndaı jarıyalanymdar halyqtyń qūrǵaqshylyq kezeńíne baılanysty shynaıy qauíp-qaterlerín óz múddesíne paıdalanady. Naqty tsıfrlar men jergílíktí geografıyalyq ataulardy qoldanu, rastalǵan derekterdíń joqtyǵyna qaramastan, habarlamany anaǵūrlym senímdí etíp kórsetedí.
Densaulyq saqtau mınıstrlígí vaktsına satyp aluǵa qatysty tenderler turaly jalǵan aqparatty teríske shyǵardy.
JAQ.OrtCom túsíníktemesí: Būl jaǵdaıda sebep-saldarlyq baılanystardy almastyruǵa negízdelgen manıpulyatsıyalyq tásíl qoldanylǵan. Vaktsına satyp alu kólemí tek bala tuu kórsetkíshímen qate baılanystyrylǵan. Alaıda josparly ımmundau júıesí bírneshe jas sanatyn qamtıdy jáne vaktsınalarǵa qajettílík medıtsınalyq kórsetkíshterdíń jıyntyǵy negízínde esepteledí. Mūndaı jarıyalanymdar mamandandyrylǵan aqparatty bírjaqty árí ústírt túsíndíru arqyly densaulyq saqtau júıesíne degen senímge nūqsan keltíredí.
Qosymsha:
Áleumettík jelílerde ózín QR Qaruly Kúshteríníń áskerı qyzmetshísí retínde negízsíz tanystyryp, jalǵan aqparat taratqan azamat ákímshílík jauaptylyqqa tartyldy.
2026 jylǵy 1-10 shílde aralyǵyndaǵy resmı teríske shyǵarular jıyntyǵy
