Ūlttyq ekonomıka mınıstrlígí ūsynǵan derekterge sáıkes, qańtar-nauryz aılarynda JÍÓ-níń naqty ósuí 3%-dy qūrady, būl rette qyzmetter óndírísíndegí ósím 3,7%-ǵa, al naqty sektorda 2,1% - ǵa jettí, – dep habarlaıdy aqshamnews.kz tílshísí.
Būl turaly Úkímet otyrysynda ūlttyq ekonomıka bírínshí vıtse-mınıstrí Azamat Ámrın málímdedí.
Salalar arasynda eń joǵary ósímdí qūrylys – 14,8%), kólík qyzmetterí – 12,8% jáne óńdeu ónerkásíbí – 8,5% kórsettí. Jyldyń alǵashqy ekí aıynda syrtqy sauda aınalymy $21,7 mlrd qūrady, mūnda $2,4 mlrd – oń saldo.
«Ótken jyly ekonomıkadaǵy óńdeu ónerkásíbíníń úlesí 12,7%-ǵa deıín óstí, osylaısha ekínshí jyl qatarynan tau-ken ónerkásíbíníń (2025 jyly – 11,9%) deńgeıínen asyp túsíp otyr. JÍÓ-degí mūnaı sektorynyń úlesí ekí ese qysqardy. 2010 jyly ol 16,5% bolǵan bolsa, 2024 jyly 8,1%-ǵa deıín tústí. Tūraqty damudy qamtamasyz etu úshín ekonomıkany odan árí ártaraptandyruǵa basa nazar audaru qajet, būl "ortasha tabys tūzaǵynan" shyǵuǵa múmkíndík beredí»,— dedí Azamat Ámrın.