Jedel járdem qyzmetí sábıdí Balalarǵa shūǵyl medıtsınalyq kómek kórsetu ortalyǵyna dereu jetkízdí, – dep habarlaıdy aqshamnews.kz tílshísí.
Oqıǵa úıde bolǵan: bala qolynda qaıshymen júgíríp júríp, súríníp qūlaǵan kezde ótkír zat mańdaıyna kíríp ketken.
Dárígerler ony bírden jansaqtau bólímíne aparyp, jedel túrde qaıshyny alyp tastady. Keıín bala jansaqtau jáne qarqyndy terapıya bólímíne jatqyzyldy.
Dárígerler balanyń túsken sáttegí jaǵdaıyn auyr dep baǵalady. Ol álsírep, mazasyzdanyp, qūsyp, terísí bozaryp, jaraqat alǵan jerde aıqyn ísínu baıqalǵan.
Kompyuterlík tomografıya nátıjesínde kúrdelí jaraqat anyqtaldy: sol jaq mańdaı súıegíníń bírneshe jerden synyp, íshke qaraı kíríp, súıek synyqtarynyń mıǵa enuí, sondaı-aq pnevmotsefalıya men qosymsha zaqymdar tírkelgen.
Mı qabyqtary men mı tíníníń zaqymdanuymen qatar júretín auyr ashyq bas-mı jaraqaty jáne mı soǵyluy dep dıagnoz qoıyldy.
Qaıshyny alu otasy shamamen 10 mınutqa sozylǵan. Ony dáríger Nıkolaı Kutyrev júrgízdí.
Bala bír apta boıy Balalarǵa shūǵyl medıtsınalyq kómek kórsetu ortalyǵynda mamandardyń baqylauynda boldy. Em ayaqtalǵan soń jaǵdaıy jaqsaryp, úıíne shyǵaryldy. Aldaǵy uaqytta tūrǵylyqty jerí boıynsha emhanada nevropatologtyń baqylauynda bolady.
Dárígerlerdíń kásíbı árí úılesímdí jūmysynyń arqasynda qysqa uaqyt íshínde tıímdí kómek kórsetílíp, bala aman qaldy.