«Qyzyl kítapqa» engen Tyan-Shan qońyr ayularynyń jūbynan ekí qonjyq dúnıege keldí, – dep habarlaıdy aqshamnews.kz tílshísí.
Almaty haıuanattar baǵynda taǵy bír quanyshty jańalyq tírkeldí.
Bıyl qańtar aıy zoobaq úshín erekshe ónímdí kezeń boldy. Būǵan deıín mūnda amur jolbarystarynyń, sondaı-aq sūr jáne qyzyl kengurulardyń tólderí tuǵan edí.
«Jyrtqysh sútqorektíler» bólímíníń basshysy Gauhar Sírgebaevanyń aıtuynsha, qonjyqtar Qūrmanbek pen Gerdanyń jūbynda 1 qańtarda dúnıege kelgen. Būl Gerdanyń tórtínshí tólí.
«Qonjyqtar óte álsíz bolyp tuady: kózí kórmeıdí, qūlaǵy estímeıdí, denesí túksíz bolady. Alǵashqy 3-4 aıda olar jyly úıshíkte jatyp, enesín emíp qorektenedí. Osy uaqyt boıy zoobaq mamandarynyń baqylauynda boldy. Qazír ekí qonjyq ta ósíp qaldy. Gerda tájírıbelí ana, tólderíne óte jaqsy kútím jasaıdy. Búgínde qonjyqtar anasyna eríp, úlken volerge shyǵa bastady», — dedí ol.
Dástúrge saı, Almaty haıuanattar baǵy qala tūrǵyndaryn jańa tuǵan qonjyqtarǵa at qoyuǵa qatysuǵa shaqyrady. Qonjyqtardyń bírí erkek, ekínshísí ūrǵashy.