2026 jyly Qazaqstanda 11 myń shaqyrymnan astam avtomobıl jolyn salu jáne jóndeu josparlanyp otyr. Kólík vıtse-mınıstrí Maqsat Qalıaqparov basym jobalardyń naqty uchaskelerín atady, dep habarlaıdy aqshamnews.kz.
Vıtse-mınıstrdíń aıtuynsha, keler jyly írí magıstraldardy salu men qaıta jańǵyrtu jūmystary jalǵasady. Sonyń íshínde Ūlytau oblysy aumaǵyndaǵy Qyzylorda – Jezqazǵan avtojolynyń 208 shaqyrymdyq bólígínde qūrylys-qaıta qūru jūmystary toqtamaıdy.
Sondaı-aq jalpy ūzyndyǵy 896 shaqyrym bolatyn «Ortalyq – Batys» jobasyn íske asyru, árí qaraı Aqtóbe – Ūlǵaısyn (232 km) jáne Qaraǵandy – Jezqazǵan (572 km) baǵyttaryndaǵy jobalardy júrgízu kózdelgen.
Maqsat Qalıaqparov barlyq qajettí tehnıkalyq-ekonomıkalyq negízdeme daıyn ekenín, qarjy qarastyrylǵanyn jáne jūmystar josparǵa saı atqarylyp jatqanyn málímdedí.
Qalalardy aınalyp ótetín joldar
2026 jyly bírqatar eldí mekende aınalma joldar salu josparlanǵan. Atap aıtqanda, Saryaǵash, Qyzylorda, Petropavl jáne Rudnyı qalalarynyń aınalma baǵyttary qolǵa alynady.
Turıstík jáne shekara mańy marshruttary
Kólík mınıstrlígí turıstík jáne shekaraǵa jaqyn joldardy damytu jūmystaryn da jalǵastyrady. Olardyń qatarynda Rahman qaınaryna aparatyn jol, sondaı-aq Petropavl – Reseı Federatsıyasynyń shekarasy baǵyty bar.
2026 jylǵa josparlanǵan kúrdelí jáne ortasha jóndeu uchaskelerí
Jóndeu jūmystary myna baǵyttarda qarastyrylǵan:
-
Jezqazǵan – Petropavl
-
Atyrau – Oral
-
Jańaózen – Kendírlí
-
Mūqyr – Qūlsary
-
Makınsk – Aqsu – Torǵaı jáne ózge de uchaskeler
Jergílíktí jol jelísí men ózge jobalar
Jergílíktí mańyzy bar joldar boıynsha Aqtau – Fort-Shevchenko, Túrkístan – Sháuíldír, Chapaı – Saıhyn baǵyttaryn damytu josparlanǵan. Sonymen bírge Semeı qalasyndaǵy avtogujevoı kópírdíń qūrylysy da jalǵasady.