2026 jyldan bastap Qazaqstanda aılyq eseptík kórsetkísh (AEK) mólsherí 4 325 teńge bolyp bekítíldí. Osyǵan baılanysty jol qozǵalysy erejesín (JQE) būzǵany úshín salynatyn aıyppūldar da óstí. Aqshamnews.kz tílshísíníń materıalynan bıylǵy ózgerísterdí bílíńíz.
2026 jylǵy aıyppūl mólsherí: eń jıí kezdesetín qūqyqbūzushylyqtar
5 AEK (21 625 teńge) aıyppūl salynatyn jaǵdaılar:
-
júrgízushí kuálígíníń nemese saqtandyru polısíníń bolmauy;
-
jolaushylar men júkterdí tasymaldau talaptaryn saqtamau;
-
qauípsízdík beldígín taqpau;
-
kólík júrgízu kezínde telefon paıdalanu;
-
aldyńǵy áınekterdí zańsyz tonırovkalau;
-
tehnıkalyq baıqaudan ótpegen kólíktí basqaru.
10 AEK (43 250 teńge) aıyppūl:
-
memlekettík tírkeu nómírínsíz kólík júrgízu;
-
toqtau nemese tūraq erejesín būzu;
-
tyıym salynǵan jerde artqa júru;
-
baǵdarshamnyń tyıym salatyn sıgnalyna ótu;
-
temírjol ótkelínen ereje būzyp ótu.
15 AEK (64 875 teńge) aıyppūl:
-
basymdyqqa ıe kólíkke jol bermeu;
-
trotuarmen, jayau júrgínshí jolymen nemese jol jıegímen júru;
-
tejegísh júıesí, ruldík basqaruy nemese tírkemesí aqauly kólík júrgízu;
-
arnaıy rūqsatsyz qaıta jabdyqtalǵan kólíktí paıdalanu.
20–50 AEK aralyǵyndaǵy aıyppūldar:
-
jol qozǵalysy qauípsízdígí erejesín būzyp, materıaldyq zalal keltíru – 20 AEK (86 500 tg);
-
polıtsıya qyzmetkeríníń toqtau talabyn oryndamau – 30 AEK (129 750 tg);
-
jalǵan nemese qoldan jasalǵan nómírmen júru – 20 AEK (86 500 tg);
-
jol-kólík oqıǵasy ornyn tastap ketu – 50 AEK (216 250 tg).
Jyldamdyqty asyrǵany úshín aıyppūl:
-
10–20 km/saǵ – 5 AEK (21 625 tg);
-
20–40 km/saǵ – 10 AEK (43 250 tg);
-
40–60 km/saǵ – 20 AEK (86 500 tg);
-
60 km/saǵ jáne odan joǵary – 40 AEK (173 000 tg).
Jol qozǵalysy erejesíndegí mańyzdy ózgeríster
2025 jyldyń qarasha aıynda jol erejesíne bírqatar ózgeríster engízíldí.
Memlekettík nómírlerge qatysty:
-
sūranysy joǵary nómírlerdí basqa óńírge kóshse de saqtauǵa bolady;
-
tapsyrylǵan nómírler 30 kúnge deıín ǵana saqtalady;
-
nómírdí basqa adamǵa beruge tyıym salynady (tek jaqyn tuystarǵa rūqsat).
Júrgízushí kuálígíne qatysty:
-
áskerı júrgízushí kuálígí bar azamattar avto-mektepke barmaı-aq emtıhan tapsyra alady;
-
medıtsınalyq qarsy kórsetílímderdíń bolmauy talap etíledí.
Qosymsha ózgeríster:
-
eldí mekenderde júk kólíkterí úshín jyldamdyq 50 km/saǵ bolyp shekteldí;
-
jol jūmystary, írí júk pen balalardy tasymaldau kezínde sary nemese qyzǵylt sary mayaktardy arnaıy rūqsatsyz qoldanuǵa rūqsat etíldí.
Mamandar júrgízushílerdí jol erejesín qatań saqtauǵa shaqyrady, sebebí 2026 jyly aıyppūl mólsherí edáuír artqan.