Rımdegí Pyatstsa del Kvırınale alańynda Mılan-Kortına-2026 qysqy Olımpıada oıyndarynyń alauyn jaǵu saltanatty rásímí óttí, dep habarlaıdy aqshamnews.kz
Grekıyadan aldyńǵy kúní jetkízílgen Olımpıada alauyn Italıya prezıdentí Serdjo Mattarella resmı túrde tūtatty. Sharaǵa Halyqaralyq Olımpıadalyq komıtetíníń prezıdentí Kırstı Koventrı, Olımpıada oıyndaryn ūıymdastyru komıtetíníń basshysy Djovannı Malago jáne Italıyanyń Ūlttyq Olımpıadalyq komıtetíníń jetekshílerí qatysty.
Kırstı Koventrı qūttyqtau sózínde Olımpıada alauynyń ūrpaqtar sabaqtastyǵyn baılanystyratyn jáne olımpıadalyq qozǵalystyń bastapqy mání – shabyttandyrudy, bíríktírudí jáne ár sportshynyń eshqandaı kemsítusíz jarysqa qatysu qūqyǵyn qorǵaudy eske salatyn sımvoldyq kúshí bar ekenín atap óttí.
Sondaı-aq ol Italıyada ótetín oıyndar ózíníń prezıdent retíndegí alǵashqy qysqy Olımpıadasy bolatynyn aıtyp, būl oıyndar sportshylar úshín de, búkíl álem úshín de jarqyn oqıǵaǵa aınalatynyna sením bíldírdí.
Al Italıya prezıdentí Serdjo Mattarella Olımpıada alauynyń beıbítshílík, bírlík jáne ózara qūrmet belgísí ekenín erekshe atap óttí. Onyń aıtuynsha, Olımpıada men Paralımpıada oıyndary adamzatpen báríne ortaq, túsíníktí tílde sóılese alatyn erekshe kúshke ıe ekenín jetkízdí. Sondaı-aq būl oıyndar teńdík, qūrmet jáne alǵa ūmtylu sıyaqty qūndylyqtardy eske salatynyn aıtty.
Mattarella oıyndarǵa deıíngí joldyń jaulasu men óshpendílíkten bas tartu kezeńíne aınaluyna úmít artty. Ol Mılan men Kortınada oıyndardy bírlesíp ótkízu Italıyanyń ashyqtyǵy men ūlttyq bírlígíníń aıqyn kórínísí ekenín aıtty.
Sóz sońynda Djovannı Malago prezıdentke alaudy tapsyrdy. Al Italıya Prezıdentí alańda ornatylǵan Olımpıadalyq shamdy jaqty.
Aıta keteıík, alau Rımge jetkízílgennen keıín estafetanyń alǵashqy metrlerín Djovannı Malago men tennısshí Jasmın Paolını júríp óttí.
Italıya aumaǵyndaǵy Olımpıada alauynyń resmı estafetasy 6 jeltoqsanda bastalady. Marshrut eldíń mańyzdy mádenı jáne tarıhı aımaqtaryn, sonyń íshínde kóptegen YuNESKO nysanyn qamtıdy.
Mılan-Kortına-2026 qysqy Olımpıada oıyndary 6-22 aqpan aralyǵynda ótedí.
