1 qańtardan bastap bazalyq zeınetaqynyń eń tómengí mólsherí 35 596 teńgení, eń joǵary mólsherí 60 005 teńgení qūraıdy, - dep habarlaıdy Aqshamnews.kz.
«2026-2028 jyldarǵa arnalǵan respublıkalyq byudjet turaly» Zańda 2026 jylǵy 1 qańtardan bastap memlekettík járdemaqylardyń barlyq túrín, bazalyq jáne yntymaqty zeınetaqylardy QR Ūlttyq Bankí aıqyndaıtyn ınflyatsıyanyń boljamdy deńgeıíne sáıkes 10%-ǵa arttyru kózdelgen.
Būdan basqa, Memleket basshysynyń tapsyrmasy boıynsha 2023 jyldan bastap bes jyl íshínde eń tómengí bazalyq zeınetaqyny eń tómengí kúnkórís deńgeıíníń 70%-yna deıín, al eń joǵarǵysyn 120%-ǵa deıín jyl saıyn kezeń-kezeńímen arttyru júzege asyrylyp jatyr.
Máselen, 2026 jylǵy 1 qańtardan bastap bazalyq zeınetaqynyń eń tómengí mólsherí 35 596 teńgení (eń tómengí kúnkórís deńgeıíníń 70%-y), eń joǵary mólsherí eń tómengí kúnkórís deńgeıíníń 110%-ynan 118%-yna deıín artyp, 60 005 teńgení qūraıdy.
Mysaly, 2019 jyly zeınetkerlík demalysqa shyqqan 70 jastaǵy zeınetkerdíń byudjetten tólenetín zeınetaqysynyń mólsherí 2025 jyly 171 588 teńgení qūrady, onyń íshínde bazalyq zeınetaqy tólemí — 50 851 teńge, yntymaqty zeınetaqy — 120 737 teńge. 2026 jylǵy 1 qańtardaǵy arttyrudy eskere otyryp, osy zeınetker úshín zeınetaqynyń jalpy somasy 192 816 teńgege deıín ūlǵayady, onyń íshínde bazalyq zeınetaqy — 60 005 teńgení, yntymaqty zeınetaqy — 132 811 teńgení qūraıdy.
Atalǵan somalarǵa BJZQ tólemderí kírmeıtínín atap ótken jón.