Būl jónínde QR Oqu-aǵartu mınıstrí Jūldyz Súleımenova Azıya dzyudo odaǵy ókílderín qabyldauynda aıtty.
Mınıstrdíń Azıya dzyudo odaǵynyń prezıdentíníń keńesshísí, bírneshe dúrkín álem chempıony Aıdar Mahmetov jáne «Jeńís» sport klubynyń bas dırektory Tımur Tūrsynbaevpen kezdesuínde 2026 jyldan bastap pılottyq negízde «Keleshek mektepterínde» dzyudo sport túrín sektsıyalyq formatta íske qosu perspektıvasy talqylandy.
Esteríńízge sala keteıík, Qazaqstanda Memleket basshysynyń tapsyrmasymen «Keleshek mektepterí» ūlttyq jobasynyń ayasynda salynyp jatqan 217 jańa formattaǵy mektepterde 460 myńnan astam oqushy bílím alady. Búgínde būl jańashyl formattaǵy mektepter qazaqstandyq bílím beru júıesíníń ınfraqūrylymdyq jańaruynyń jáne bílím berudegí ınnovatsıyalardy engízudíń avangardyna aınaldy.
«Keleshek mektepterínde sapaly bílím, sanaly tárbıe berumen qatar, shyǵarmashylyq, zıyatkerlík, sporttyq úıírmeler arqyly balalardyń boıynda synı oılau, basqarushylyq, taktıkalyq sheshím qabyldau, fızıkalyq damu, ózíne talap qoyu, tártípke baǵynu, shydamdy bolu jáne tózímdílíktí damytu, jeńíske ūmtylu daǵdylaryn erte jastan qalyptastyruǵa da basymdyq beríluí tıís. Sońǵy jyldary dzyudoǵa qazaqstandyqtardyń qyzyǵushylyǵy artyp, ol tanymal sport túríne aınalyp keledí, sondyqtan mınıstrlík federatsıyamen yntymaqtastyqta jūmys jasauǵa nıettí», — dedí oqu-aǵartu mınıstrí Jūldyz Súleımenova.
Óz kezegínde dzyudo federatsıyasynyń ókílderí 217 «Keleshek mektebínde» ashylatyn dzyudo úıírmelerí úshín jattyqtyrushylardy kásíbı daıyndaudy, sonymen bírge mektep zaldaryn qajettí sporttyq qūral-jabdyqtarmen, qatysushy oqushylardy arnaıy kımonomen qamtamasyz etudí óz míndetteríne alatyndaryn jetkízdí.
Aıta ketu kerek, jobany júzege asyruda ásírese, auyl mektepteríne basymdyq beríledí.