2025 jyldyń qorytyndysy boıynsha 6289 azamatqa zıyandy eńbek jaǵdaılarynda ūzaq uaqyt jūmys ístegen adamdarǵa arnalǵan arnauly áleumettík tólem taǵaıyndaldy, - dep habarlaıdy aqshamnews.kz.
Atalǵan tólemdí taǵaıyndauǵa jalpy 6675 adam ótínísh bíldírgen.
Ekí kózden tólenetín arnauly áleumettík tólemge (respublıkalyq byudjet jáne Bíryńǵaı jınaqtaushy zeınetaqy qory) 590 adam júgíndí, onyń íshínde 581 adamǵa taǵaıyndaldy.
Tórt qarjylandyru kózínen beríletín AÁT (respublıkalyq byudjet, Bíryńǵaı jınaqtaushy zeınetaqy qory, jūmys berushí jáne ómírdí saqtandyru ūıymy) taǵaıyndauǵa 6085 adam ótínísh bíldíríp, onyń 5708-íne taǵaıyndalǵan.
Sondaı-aq, 196 azamat saqtandyru kompanıyasymen zeınetkerlík annuıtet shartynyń jasaluyn kútude, 103 azamat SMS habarlamaǵa jauap bermegen. Míndettí sharttardy oryndamaǵandyqtan, 87 ótínísh berushíge AÁT taǵaıyndaudan bas tartyldy.
Óńírler boıynsha arnauly áleumettík tólemderdí aluǵa ótínísh bíldírgenderdíń eń kóp sany Qaraǵandy (2 kózden – 88 adam, 4 kózden – 922 adam), Pavlodar (2 kózden – 37 adam, al 4 kózden – 774 adam) jáne Shyǵys Qazaqstan (2 kózden – 49 adam, al 4 kózden – 492 adam) oblystarynda tírkelgen.
Būryn habarlanǵandaı 2024 jyldyń 1 qańtarynan bastap Qazaqstanda zıyandy eńbek jaǵdaılarynda ūzaq uaqyt jūmys ístegen adamdarǵa arnauly áleumettík tólem engízíldí.
Arnauly áleumettík tólem taǵaıyndau úshín 55 jasqa tolu jáne Bíryńǵaı jınaqtaushy zeınetaqy qorynda (būdan árí – BJZQ) kemínde 7 jyl kásíptík zeınetaqy audarymdarynyń boluy míndettí sharttar bolyp tabylady. Tólem zeınetkerlík jasqa deıín tólenedí. Arnauly áleumettík tólemderdí alu úshín eńbek jaǵdaılary zıyandy jūmystarmen aınalyspauǵa tıís. Jūmyskerler jeńíl jūmysqa auysa alady, sodan keıín olar jalaqy men tólem alady nemese demalysqa shyǵyp, zeınetke shyqqanǵa deıín arnauly áleumettík tólem alady.
Áleumettík kodekske sáıkes jūmys berushíler kásípterí men qyzmet túrlerí Eńbek jaǵdaılary zıyandy jūmystarmen aınalysatyn jūmyskerlerdíń, óndírísterdíń, jūmystardyń, kásípterdíń tízbesíne engízílgen jūmyskerler úshín míndettí kásíptík zeınetaqy jarnalaryn audarady, olardyń 2,3 myńnan astam pozıtsıyasy bar. Osylaısha, arnauly áleumettík tólemdí ekonomıkanyń 17 salasynda, onyń íshínde tau-ken óndíru jáne óńdeu ónerkásíbínde jáne ózge de salalarda jūmys ísteıtín qazaqstandyqtar ala alady.