Jūmys ízdep júrgen qazaqstandyqtar tūrǵylyqty jerí boıynsha halyqty jūmyspen qamtu ortalyqtaryna júgínu jolymen JQJK sheńberínde ınfraqūrylymdyq jobalardy íske asyruǵa qatysa alady.
Qazaqstannyń Jūmyspen qamtudyń jol kartasy (JQJK) ayasynda memleket azamattary qandaı jūmysqa qol jetkíze alatyny belgílí boldy, dep habarlaıdy Almaty-akshamy.kz Eńbek jáne áleumettík qorǵau mınıstrlígíníń baspasóz qyzmetíne sílteme jasap.
«Jūmyspen qamtudyń 2020-2021 jyldarǵa arnalǵan jol kartasy sheńberínde aǵymdaǵy jyly barlyq baǵyttar boıynsha barlyǵy 40,9 myń jūmys orny ashylady, onyń 28,3 myńnan astamy tūraqty bolady», – delíngen mekeme habarlamasynda.
JQJK jobalary 4 negízgí baǵytqa bólíngen:
– halyqtyń ómír súru sapasyn arttyru;
– ShOB úshín qarjylandyrudyń qoljetímdílígín arttyru;
– agroónerkásíptík keshendí damytu;
– óńírlerde bıznestí damytu.
QR Úkímetí janyndaǵy Halyqty jūmyspen qamtu máselelerí jóníndegí vedomstvoaralyq komıssıyanyń kezektí otyrysynda bírínshí baǵyt boıynsha jobalar sanyn 136-dan 199-ǵa deıín arttyru turaly sheshím qabyldandy. Onyń íshínde 49 mektep (barlyǵy 61 nysan), 9 jataqhana, 11 densaulyq saqtau nysany, tūrǵyn úı-kommunaldyq sharuashylyq salasyndaǵy 70 joba jáne 60 basqa da nysandar (áleumettík qamsyzdandyru, qyzmet kórsetu nysandary) bar. Jobalardy íske asyru kezínde 18,3 myń jūmys ornyn, onyń íshínde 7,9 myń tūraqty jūmys ornyn ashu josparlanuda.
Jobalardy íríkteu kezínde negízgí nazar tūraqty jūmys oryndaryn ashuǵa, 3 auysymdy jáne apatty mektepterdíń keıbír máselelerín sheshuge, auyl tūrǵyndarynyń densaulyq saqtauǵa qoljetímdílígín qamtamasyz etuge, suarmaly jerlerdíń alańyn ūlǵaıtuǵa audaryldy.
Ekínshí baǵyt ayasynda 6%-ǵa deıíngí mólsherlememen jeńíldetílgen mıkrokredıtter beru qarastyrylǵan. 22,5 mlrd teńge somasyna 5,4 myń jobadan tūratyn tízím jasaldy, oǵan et ónímderín, súttí óndíru jáne qaıta óńdeu, tamaq ónerkásíbí, qyzmet kórsetu salalary jáne basqa da jobalar kírdí. Mıkrokredıt alushylar qosymsha 10,6 myń jūmys ornyn ashady.
Úshínshí baǵyt boıynsha Auyl sharuashylyǵy mınıstrlígímen jáne «Báıterek» holdıngímen bírlesíp, sońǵy qaryz alushy úshín 6%-ǵa deıíngí mólsherlememen 100 mlrd teńge somasyna 42 ınvestıtsıyalyq joba íske asyrylatyn bolady.
Jobalar jūmyspen qamtudy qoldau jáne jūmys oryndaryn qūru; pysyqtaludyń joǵary deńgeıí; azyq-túlík tauarlarynyń ımportyn qysqartu sharttar boıynsha íríkteldí.
2,2 myń uaqytsha jáne 3,8 tūraqty jūmys orny ashylady.
Tórtínshí baǵyt sheńberínde shamamen 6 myń jūmys orny bıznes subektíleríne jeńíldíkpen kredıt beru jáne qaryz beru, sondaı-aq jarǵylyq kapıtalǵa ınvestıtsıya salu, qarjylyq emes qoldau kórsetu esebínen qūrylatyn bolady.
Qazírgí uaqytta JQJK ayasynda 67 jobany íske asyru bastaldy, onda 3 myń adam jūmysqa ornalastyryldy.
Mamandardyń aıtuynsha, jūmys ízdep júrgen qazaqstandyqtar tūrǵylyqty jerí boıynsha halyqty jūmyspen qamtu ortalyqtaryna (būdan árí – HJQO) júgínu jolymen JQJK sheńberínde ınfraqūrylymdyq jobalardy íske asyruǵa qatysa alady.
Halyqty jūmyspen qamtu ortalyqtary uaqytsha tírkelgen adamdardy qosa alǵanda, jūmyspen qamtu organdarynda jūmys ízdep júrgen adamdar, jūmyssyzdar, sondaı-aq jūmystan bosatylatyn adamdar, jalaqysy saqtalmaıtyn demalysta júrgen adamdar, studentter retínde tírkelgender qatarynan qajettí bílíktílígí bar mamandardy íríkteudí júzege asyrady jáne ınfraqūrylymdyq jobany íske asyratyn jūmys berushí-merdígerge jíberedí.
HJQO arqyly ınfraqūrylymdyq jobalarǵa jūmysqa ornalastyru kezínde jūmyssyz jastarǵa, NEET sanatyndaǵy jastarǵa, sondaı-aq densaulyǵyna zıyan keltírmeıtín jáne oqu protsesín būzbaıtyn jūmystarda studentterge basymdyq beríledí.
HJQO qajet bolǵan jaǵdaıda ınfraqūrylymdyq jobaǵa jūmysqa ornalastyru kepíldígímen tıístí jūmystardy oryndau úshín jūmys berushí-merdígerdíń/qosalqy merdígerdíń ótínímderí boıynsha kadrlardy qaıta dayarlaudy qamtamasyz etedí.
HJQO baǵyttary boıynsha jūmysqa ornalasqandardyń jalaqy mólsherí salyqtardy, áleumettík tólemderdí jáne ekologıyalyq ústemeaqylar boıynsha tólemderdí esepke almaǵanda, paıdalanylmaǵan eńbek demalysy úshín ótemaqyny eskere otyryp, eń tómengí jalaqynyń kemínde ekí mólsherí (83 myń teńge) deńgeıínde belgílenedí.