Júgírushílerdíń qatarynda megapolıstíń tūrǵyndary men qonaqtary, sonyń íshínde Shchuchınsk qalasynan 91 jastaǵy Salıha Zıgangerova jáne almatylyq 88 jastaǵy Duzu Mavlyutova boldy. Márege jetkenderdíń barlyǵy estelík medaldar aldy.
2025 jylǵy júgíru mausymy 40 myńnan astam qatysushynyń basyn qosty, olardyń 18 myńǵa juyǵy áıelelder, ótken jylmen salystyrǵanda olardyń sany 20% -kóp boldy. Sondaı-aq tírkelgen sheteldík qatysushylar qatary da ūlǵaıǵan.
Mausymnyń mańyzdy oqıǵasy 60 elden 16 149 qatysushyny jınaǵan 14-shí Almaty Marathon boldy. Bıyl júgíru jolynyń negízgí rekordtary jańartyldy: erler – 2:19:38, áıelder – 2:41:24. Alǵash ret 1500 adam 42,2 shaqyrym marafon qashyqtyǵyn ıgerdí.
Almaty jarystary AIMS halyqaralyq marafondary men júgíru jarystarynyń kúntízbesíne engen elímízdegí jalǵyz qala.
Mūndaı kópshílík ís-sharalar qalalyq sport mádenıetín nyǵaıtady, būqaralyq sportty damytady jáne jergílíktí bıznestí qoldaıdy. Zertteu derekterí boıynsha, demalys kúnderí ótetín marafonǵa qatysushylar ekí kúnde shamamen 8 mln teńge jūmsaıdy eken. Al seríktes kompanıyalardan túsken salyq sońǵy tórt jylda úsh esege juyq – 318,9 mln teńgeden 873,9 mln teńgege deıín ósken. Qala syrtyndaǵy júgírushílerdíń 80%-ǵa juyǵy Almatyǵa qaıta keludí josparlap otyr.