Sınoptıkter 17 aqpan kúní Qazaqstannyń 17 oblysynda jáne Astana qalasynda aua raıyna baılanysty eskertu jarıyalady.
Būl turaly Qazgıdromet málímdedí, - dep habarlaıdy Aqshamnews.kz.
17 aqpanǵa qaraǵan túní Astanada azdaǵan qar jauyp, kúndíz jańbyr men qar jauady, qóktaıǵaq boluy múmkín. Túnde jáne tańerteń tūman túsedí. Jel ońtústík-batystan soǵyp, kúndíz ekpíní 15–20 m/s-qa jetedí.
Aqmola oblysynda túnde soltústíkte qar jauyp, jayau būrqasyn soǵady jáne kóktaıǵaq bolady. Óńírdíń shyǵysyna azdaǵan qar túsedí. Kúndíz oblystyń batysy, soltústígí men shyǵysynda jańbyr men qar aralas jauyn jauady, jayau būrqasyn soǵyp kóktaıǵaq bolady. Jeldíń ekpíní keı jerlerde 23–28 m/s-qa deıín kúsheıedí.
Jetísu oblysynyń soltústígí, shyǵysy jáne tauly aımaqtarynda tūman túsíp, joldarda kóktaıǵaq bolady. Alakól kólderí mańynda jeldíń ekpíní 23–28 m/s-qa deıín jetuí yqtımal.
Mańǵystau oblysynyń batysy men soltústígínde tūman túsedí, jeldíń ekpíní túnde jáne tańerteń 25 m/s-qa deıín kúsheyuí múmkín.
Atyrau oblysynyń batysy, ońtústígí jáne shyǵysynda tūman túsedí. Jel túnde soltústík-batysqa auysyp, ekpíní 15–18 m/s-qa jetedí.
Almaty oblysynyń soltústígí, ońtústígí jáne tauly audandarynda tūman túsíp, kóktaıǵaq bolady. Jeldíń ekpíní shyǵysta 15–20 m/s.
Qostanaı, Aqtóbe, Qaraǵandy, Pavlodar, Soltústík Qazaqstan, Batys Qazaqstan oblystarynda jańbyr men qar jauayp, jayau būrqasyn soǵady, kóktaıǵaq jáne tūman boluy da yqtımal. Keı óńírlerde jeldíń ekpíní 23–28 m/s-qa deıín kúsheıedí.
Túrkístan oblysynyń ońtústígí men tauly audandarynda jańbyr jauyp, naızaǵaı oınaıdy, túnde tauda nóser jauyn boluy múmkín. Jambyl oblysynyń tauly aımaqtarynda túnde kúshtí jauyn jauady.
Abaı, Shyǵys Qazaqstan, Ūlytau jáne Qyzylorda oblystarynda da tūman túsíp, kóktaıǵaq bolady, keı jerlerde qar jauyp, jel kúsheyuí múmkín.
Sınoptıkter tūrǵyndardy aua raıynyń qolaısyzdyǵyna baılanysty saqtyq sharalaryn kúsheıtuge shaqyrady.
