«QazAvtoJol» ūlttyq kompanıyasy eldegí joldardyń qazírgí ahualy turaly málímdedí, - dep habarlaıdy Aqshamnews.kz.
Ūlttyq kompanıyanyń málímetínshe, 2026 jylǵy 14 qańtar tańǵy uaqytta bírneshe óńírdegí respublıkalyq mańyzy bar avtojoldarda kólíktíń barlyq túrí úshín qozǵalys ashyldy.
Almaty oblysy
• «Almaty — Taldyqorǵan — Óskemen — Shemonaıha — RF shekarasy» avtomobıl jolynyń 25-67-shaqyrym aralyǵyndaǵy uchaskesí (Almaty aqy alu punktínen Qonaev qalasyna deıín);
• «Almaty — Shelek — Qorǵas» avtomobıl jolynyń 24-118-shaqyrym aralyǵyndaǵy uchaskesí (Arman aqy alu punktínen Lavar eldí mekeníne deıín).
Jetísu oblysy
• «Úsharal — Dostyq» avtojolynyń 84-164-shaqyrym aralyǵyndaǵy uchaskesí (Kóktūma auyly — Dostyq stansasy).
Batys Qazaqstan oblysy
• «Atyrau — Oral» avtojolynyń 492-371-shaqyrym aralyǵy (Oral qalasy — Chapaev auyly);
• «Chapaev — Jalpaqtal — Kaztalovka — RF shekarasy» avtojolynyń 0-201-shaqyrym aralyǵy (Chapaev auyly — Kaztalovka eldí mekení);
• «Atyrau — Oral» avtojolynyń 371-189-shaqyrym aralyǵy (Chapaev auyly — Atyrau oblysynyń shekarasy).
Atyrau oblysy
• «Atyrau — Oral — RF shekarasy» avtojolynyń 67-178-shaqyrym aralyǵy (Mahambet eldí mekenínen Inder eldí mekeníne deıín);
• «Atyrau — Oral — RF shekarasy» avtojolynyń 179-189-shaqyrym aralyǵy (Inderbor kentínen Batys Qazaqstan oblysynyń shekarasyna deıín).
Jabyq joldar
Atyrau oblysynda aua raıynyń būzyluyna baılanysty respublıkalyq mańyzy bar «Atyrau — Oral — RF shekarasy» avtojolynyń 67-178-shaqyrym aralyǵyndaǵy uchaskesínde (Mahambet eldí mekenínen Inder eldí mekeníne deıín) barlyq kólík túríníń qozǵalysyna shekteu engízíldí.
Shyǵys Qazaqstan oblysynda tírkemesí bar jáne jartylaı tírkemelí júk kólíkteríníń qozǵalysy Osınov asuynda uaqytsha shekteldí. Shekteu «Óskemen — Altaı — Katonqaraǵaı — Rahman qaınary» avto jolynyń 46-66-shaqyrymyndaǵy (Severnoe auyly — Serebryansk qalasy) uchaskesínde qys ayaqtalǵansha saqtalady.
Sonymen bírge «Astana — Shídertí — Pavlodar — Uspenka — RF shekarasy» avtojolyndaǵy jolaıryqtyń kópír qūrylymynyń shetkí arqalyqtary zaqymdanuyna baılanysty «Qalqaman» jolaıryǵy uchaskesí jabyldy. Atap aıtqanda, Qalqaman eldí mekeníne kíreberís pen Astana baǵytyna shyǵatyn jol uaqytsha jabyq.