Pavlodarlyq 7-synyp oqushysy Imran Kusanovtyń bastauysh synyptan-aq kompyuterlík baǵdarlamalauǵa, matematıkalyq esepterge qyzyǵushylyǵy joǵary, - dep habarlaıdy Aqshamnews.kz.
Ásírese, ınformatıka pánínen erekshe alǵyrlyq kórsetíp, algorıtmdík esepterdí ońaı sheshedí. Bıyl ol respublıkalyq Auyl olımpıadasynda jasynyń kíshílígíne qaramastan, 9 synyp oqushylarymen bírge synǵa túsíp, nátıjesínde ınformatıkadan 1-oryn ıelendí. Onyń zerektígí men esepterdí sheshudegí alǵyrlyǵy, oılau qabíletíníń júıríktígí qazylar alqasyn da tań qaldyryp, ol olımpıadanyń eń jas qatysushysy atandy. Imrannyń jetekshísí, ınformatıka páníníń mūǵalímí Soyan Ertaıdyń 18 jyldyq tájírıbesí bar.
«Men ūstazymmen kúndelíktí daıyndalamyn. Olımpıadada algorıtmdík esepter, derektermen jūmys jáne baǵdarlamalyq sheshímder ázírleu syndy kúrdelí tapsyrmalar beríledí. Ár kezeń men úshín qyzyqty boldy, tapsyrmalar kúrdelengen saıyn ózímdí damytuǵa ūmtyldym», - deıdí jas daryn Imran Kusanov.
Aıta keterlígí, Imran osy olımpıadaǵa 5-synyptan berí úzbeı qatysyp, joǵary synyptardyń esepterín sheshíp keledí. Būǵan deıín de ol jeńís tūǵyrynan kóríníp, 2, 3 oryndardy ıelengen.