11 qarashadan 12 qarashaǵa qaraǵan túnde Jerge bír uaqytta ekí kún plazmasynyń aǵyny jaqyndaıdy. Būl aǵyndar 9 jáne 10 qarashada tírkelgen quatty kún jarqyldarynyń saldarynan paıda bolǵan, dep habarlaıdy Aqshamnews.kz tílshísí Ǵaryshtyq zertteuler ınstıtutynyń Kún astronomıyasy zerthanasyna sílteme jasap.
Ǵalymdardyń qaıta júrgízgen esepteulerí geomagnıttík dauyldardyń G3–G4 deńgeıíne deıín kúsheyu yqtımaldyǵy joǵary ekenín kórsetedí.
Mamandardyń aıtuynsha, aldaǵy qūbylys qarasha aıynyń basynda bolǵan jaǵdaıǵa ūqsas. Ol kezde jyldaǵy eń kúshtí dauyldyń bírí boljanǵan edí. Būl joly da tíkeleı áser kútílíp otyr, degenmen jarqyldyń negízgí bólígí Jerdíń syzyǵynan 10–15 gradusqa shetkerí ótetíndíkten, magnıtosferaǵa túsetín júkteme sál álsíz bolady.
Alǵashqy soqqy 11 qarasha keshke jetuí múmkín. Ol G1–G2 deńgeıíndegí magnıttík tolqular tuǵyzyp, Shyǵys jartysharda aıqyn polyarlyq jarqyldardyń kórínuíne yqpal etuí yqtımal. Al ekínshí, kúshtírek front 12 qarashaǵa qaraǵan túní nemese tańsáríde kelíp, geomagnıttík būzylystardy G3–G4 deńgeıíne deıín kúsheıtuí múmkín.
