Sportshylarymyz úsh altyn, úsh kúmís jáne tórt qola medal jeńíp aldy, dep habarlaıdy aqshamnews.kz tílshísí.
Dzyudodan Qazaqstan qūramasy jasóspírímder arasyndaǵy álem chempıonatynyń aralas komandalyq jarysynda alǵash ret jeńíske jetíp, tarıhı nátıjege qol jetkízdí. Álem bírínshílígí Ekvadordyń Guayakıl qalasynda óttí.
Komandalyq chempıondyq ataq qazaqstandyq dzyudoshylardyń jekeleı jarystardaǵy rekordtyq kórsetkíshíníń jalǵasy boldy. Sportshylarymyz úsh altyn, úsh kúmís jáne tórt qola – barlyǵy 10 medal jeńíp aldy. Ūldar komandalyq esepte bírínshí, al qyzdar ekínshí orynǵa ıe boldy. Fatıma Supyǵalıeva jasóspírím qyzdar arasynda álem chempıony atanǵan alǵashqy qazaqstandyq dzyudoshy retínde tarıhqa endí.
Būl jetístíkter Turızm jáne sport mınıstrlígíníń Qazaqstan dzyudo federatsıyasy jáne «Jeńís» klubymen bírlesken júıelí jūmysynyń nátıjesí boldy. Parıjdegí Olımpıada oıyndarynan keıín Mınıstrlík qūrama komandalardy dayarlau tásílderín jańartuǵa kírístí. Otandyq bapkerler Etsıo Gambanyń komandasyn qosa alǵanda, jetekshí sheteldík mamandarmen tyǵyz yntymaqtastyqta jūmys ísteıdí. Al jasóspírímder, jastar jáne ūlttyq qūramalardy dayarlau úderísí bíryńǵaı ádísteme ayasynda bíríktírílude.
«Bíz bírtūtas dayarlyq júıesín qalyptastyryp jatyrmyz: jasóspírímder – jastar – ūlttyq qūrama – Olımpıada oıyndary. Sportshy bír jas sanatynan ekínshísíne ótken kezde daıyndyqty qaıta bastamauy tıís. Ol bíryńǵaı talaptar, ǵylymı súıemeldeu jáne naqty damu traektorıyasy qamtylǵan ortaq model ayasynda jūmysyn jalǵastyrady. Komandalyq altyn men jekeleı jarystardaǵy rekordtyq on medal – jańa júıeníń tıímdí jūmys ístep jatqanynyń naqty dálelí. Endígí míndetímíz – osy tájírıbení basqa sport túrleríne kezeń-kezeńímen engízu», – dep atap óttí Qazaqstan Respublıkasynyń Turızm jáne sport mınıstrí Erbol Myrzabosynov.
Bíryńǵaı model jattyǵu úderísín ǵylymı tūrǵydan taldaudy, funktsıonaldyq dıagnostıkany, júktemelerdí jeke josparlaudy, sporttyq medıtsınany, qalpyna keltírudí jáne ár sportshynyń damu dınamıkasyn tūraqty baqylaudy qamtıdy. Būl jūmysta qūrama komandalardy ǵylymı jáne taldamalyq súıemeldeumen qamtamasyz etetín Ūlttyq sport unıversıtetí mańyzdy ról atqaruy tıís.
Osyndaı tásílder jetekshí otandyq jáne sheteldík mamandardy tarta otyryp, semserlesu, boks, kúres jáne basqa da sport túrleríne júıelí túrde engízílude. Dzyudodan Qazaqstan qūramasynyń nátıjesí sport rezerví men ūlttyq komandalardy dayarlaudyń jańa júıesíníń tıímdílígín aıqyn kórsettí.