Қазір елімізде 2,5 миллионға жуық зейнеткер тұрады, деп хабарлайды aqshamnews.kz
Қазақстанда маусым айында зейнетақының орташа мөлшері 143 502 теңгеге жетті. Бұл туралы Еңбек және халықты әлеуметтік қорғау министрлігі мәлімдеді.
Осы жылдың басынан бері республикалық бюджеттен 1 трлн 745,9 млрд теңге зейнетақы төленген. Соның ішінде базалық зейнетақы – 564,7 млрд теңге, ынтымақты зейнетақы – 1 трлн 181,2 млрд теңге.
«2025 жылғы 1 маусымдағы мәлімет бойынша, зейнеткерлер саны – 2 млн 481 мың адам. Жиынтық зейнетақының орташа мөлшері 143 502 теңгені құрады, оның ішінде ынтымақты зейнетақы – 95 814 теңге, базалық зейнетақы – 47 688 теңге», - делінген хабарламада.
Биыл 1 қаңтарда базалық зейнетақы төлемі инфляцияның болжамды деңгейіне сәйкес 6,5%-ға, ынтымақты зейнетақы 8,5%-ға, яғни инфляция деңгейінен 2%-ға асыра көтерілген болатын.
Министрлік президенттің тапсырмасымен 2023 жылдан бастап бес жыл ішінде ең төмен базалық зейнетақы ең төмен күнкөріс деңгейінің 70 пайызына, ал ең жоғары – 120%-ға дейін жыл сайын кезең-кезеңімен артады деп болжам отыр.